THE SEARCH FOR EVERYTHING
JOHN MAYER
Die internet glo blykbaar John Mayer se jongste album, The Search for Everything, is ’n ode aan sy eks, Katy Perry. So byvoorbeeld word die openingsnit, Still Feel Like Your Man, as ’n intieme erkenning beskou dat hy nie oor Katy is nie.
Die swaarmoedige You’re Gonna Live Forever laat dit ook klink asof dit biografiese elemente bevat. John noem nie enige naam nie, maar ons kan in ’n sekere mate aflei oor wie hy sing.
Talle resensente het dié album as agtergrondmusiek afgemaak, maar dis ’n heel skaflike poging. Dit kan natuurlik nie kers vashou by vorige werke soos Battle Studies nie, maar bly ’n bobaas-album. Luister veral na Love on the Weekend.