SOEK-SOEK-INKLEURBOEKE
Human & Rousseau, R65 elk
Die oulike reeks bestaan uit vier inkleurboeke: In Feetjieland, Diere, Voertuie en Op die Plaas.
Kinders kry opdragte soos: “Die taxi’s het wit en swart strepe aan hul kante. Kleur al die taxi’s swart in” in Voertuie.
In Op die Plaas lyk ’n opdrag byvoorbeeld so: “Soek die vulletjies met ’n blom in die hare en kleur hulle bruin in”; in Diere “Kleur al die vlermuise wat slaap groen in”; en in In Feetjieland “Kleur die koetsiers in jou gunsteling-kleure in”.
Die boeke is geskik vir vier- tot agtjariges en sal hulle ure lank besig hou – miskien net reg vir die wintervakansie met verveelde kinders om jou voete. – ELNA VAN DER MERWE