LYFIES MET SKYFIES
Jy het vir jou geliefde troeteldiere mikroskyfies laat insit, want dan sal hulle met ’n vinnige skandering met jou herenig word. Of sal hulle?
ONS het al almal hartroerende stories gehoor van vermiste troeteldiere wat danksy ’ n mikroskyfie met hul eienaar herenig is. Maar so wonderlik soos wat dié piepklein toestelle is, het hulle beperkings en vereis ’ n mate van onderhoud van die eienaar se kant af.
Hier is wat jy moet weet.
PRYS Dit kos R100 tot R150 om die mikroskyfie in te sit, maar veeartse se prys wissel. Baie dierewelsyn- en reddingsorganisasies sit ook skyfies in. Die skandering van ’n mikroskyfie om ’n verlore dier te identifiseer is gratis.
REGISTREER Maak seker jy vul al jou besonderhede by die skyfieonderneming in, gewoonlik aanlyn. Sonder die besonderhede is die skyfie nutteloos. Plak een van die strepieskodes wat verskaf word in jou veeartsboekie op die ruimte wat verskaf word en gee vir jou veearts een om in jou troeteldier se lêer te hou.
WERK INLIGTING BY As jy trek of jou foonnommer verander, moet jy die skyfieonderneming inlig of jou besonderhede op die webtuiste aanpas.
PARTY SKYFIES MIGREER Party skyfies het mikroskopiese hakies wat hulle permanent inbed waar hulle ingesit word (gewoonlik tussen die skouerblaaie), maar party migreer oor die jare. Daarom is dit belangrik om jou veearts gereeld te laat kyk waar dit is en of dit nog reg lees.
SKANDEER REG Veeartse en skuilings moet onlangse universele skandeerders hê. Party mikroskyfies werk op verskillende golflengtes en kan dalk nie deur alle skandeerders gelees word nie, wat dit kan laat lyk asof jou hond nie ’n skyfie het nie terwyl hy wel het. Die skandeer- der-operateurt moet t diedi heleh l lyf l f van diedi gevonde dier skandeer in geval van migrasie. As jou plaaslike skuiling nie die korrekte skandeerder het nie ( hulle is duur, sowat R1 800), kan jy aanbied om vir hulle geld in te samel – plaaslike troeteldierliefhebbers sal alte graag help.
HALSBAND & PLAATJIE
Die skyfie is net een manier om jou troeteldier te identifiseer as hy wegraak. Vertoon altyd jou foonnommer/s duidelik op ’n plaatjie aan jou troeteldier se halsband sodat hy duidelik identifiseerbaar is as iemand s’n en nie ’n rondloper nie.