GEBAKTE GROENTE-STAMPPOT
Regte Hollandse trooskos. Dit word tradisioneel voorgesit saam met gerookte varkworsies. Hier is ons gebakte weergawe.
GENOEG VIR 4-6 MENSE Bereiding: 15 min. Gaarmaak: ongeveer 1 uur
30 ml (2 e) olie 1 ui, gekap ¼ kopkool, gesnipper 6 aartappels, geskil en in
kwarte gesny 4 wortels, geskil en in
skyfies gesny 250 ml (1 k) hoender
aftreksel 250 ml (1 k) water ’n hand vol pietersielie,
fyn gekap 2 ml (½ t) fyn neutmuskaat sout en vars gemaalde
peper 1 eier, geklits 60 ml (¼ k) botter, gesmelt VIR VOORSIT 15 ml (1 e) olie 1 ui, in skyfies gesny 4 gerookte worsies,
in skyfies gesny
Voorverhit die oond tot 200 oC. Bespuit ses indivi- duele oondbakkies of een grote met kossproei.
1 Verhit die olie in ’n diep kastrol en braai die ui tot geurig. Voeg die kool, aartappels en wortels by en meng goed.
2 Giet die aftreksel en water by en bring tot kookpunt. Sit die deksel op en kook tot die groente sag en al die vloeistof weggekook is. Voeg nog ’n bietjie water by, indien nodig.
3 Haal van die hitte af en druk die groente fyn. Roer die pietersielie en neutmuskaat by en geur met die sout en vars gemaalde peper na smaak. Roer die eier by en skep in die bereide bak of bakkies.
4 Maak die groente glad bo-op en verf met die botter. Bak 30 min. of tot goudbruin bo-op.
5 Vir voorsit Verhit die olie in ’n pan en braai die ui tot goudbruin. Voeg die worsskyfies by en braai tot bruin. Geur met die vars gemaalde peper.
6 Versprei die worsies oor die groentegebak en sit voor.