AARTAPPEL-PIZZA
Die beoordelaar en sjef Nic van Wyk se gunstelingpizza het ’n dun kors met buffelmelk-mozzarellakaas, tamatiesous, salami, ansjovis en kappertjiesaad op. Soms wyk hy hiervan af om iets nuuts te probeer, soos dié pizza met jong aartappeltjies en gerookte mozzarellakaas.
LEWER 2 MIDDELSLAGPIZZAS Bereiding: 20 min. Staan: 15 min. Gaarmaak: 20 min.
GOU-GEREEDPIZZADEEG 700 ml koek- of
witbroodmeel 5 ml (1 t) sout 250 ml (1 k) water
(louwarm) 5 ml (1 t) suiker 1 x 10 g-pakkie kitsgis BOLAAG 350 g jong aartappel
tjies 45 ml (3 e) olyfolie 2 knoffelhuisies, gekap 1 rooi-ui, in dun skyfies
gesny 150 g gerookte mozza-
rellakaas, gerasper 10 ml (2 t) gekapte vars roosmaryn of salie sout en vars gemaalde
swartpeper 30 ml (2 e) vars gerasperde parmesaankaas
Voorverhit die oond tot 220 oC. Bespuit ’n bakplaat met kossproei.
1 Gou-gereed-pizza
deeg Plaas die meel en sout in ’n groot mengbak.
2 Meng die louwarm water, suiker en gis in ’n maatbeker en roer tot dit opgelos is.
3 Maak ’n holte in die middel van die meel en giet die gismengsel in. Gebruik ’n vurk en meng tot die deeg ’n bal vorm.
4 Plaas die deeg op ’n meelbestrooide oppervlak en knie 5 min. tot dit glad is. Draai toe met kleefplastiek en laat 10-15 min. op ’n warm plek staan.
5 Bolaag Kook die aartappeltjies 5 min. in soutwater. Dreineer en laat afkoel. Skil af en sny in dun skyfies.
6 Verhit 30 ml (2 e) olyfolie in ’n braaipan, voeg die aartappels en knoffel by en braai 5-8 min. tot die aartappels sag is.
7 Rol die pizzadeeg uit, plaas op ’n bakplaat en verf met die orige olyfolie. Strooi die ui oor en rangskik die aartappeltjies boop. Strooi die mozzarellakaas en die roosmaryn of salie, sout en baie swartpeper bo-oor.
8 Bak 15-20 min. tot goudbruin. Sodra die pizza uit die oond kom, strooi parmesaankaas en nog swartpeper oor.