OPBEUR-BOBOTIE

Edwin Theron, die wenner van Kokkedoortjie, maak graag dié bobotie met sy sagte geure selfs al het hy nie troos nodig nie, so lekker is dit. Hy verdubbel gewoonlik die resep sodat daar oorskiet is om die volgende dag op roosterbrood of in ’n jaffle te eet.

GENOEG VIR 4 MENSE Bereiding: 15 min. Gaarmaak: 45 min. 1 dik sny witbrood 250 ml (1 k) melk 1 groot ui, fyn gekap 25 ml (5 t) kookolie 10 ml (2 t) kerriepoeier 5 ml (1 t) borrie 5 ml (1 t) suiker 40 ml (8 t) suurlemoen

sap

10 ml (2 t) sout ’n knippie peper 500 g maalvleis 2 eiers 15 ml (1 e) blatjang 80 ml ( k) rosyne 3 vars suurlemoenblare

Voorverhit die oond tot 180 oC. Smeer ’n oondbak.

1 Week die brood in die melk in ’n diep bord.

2 Braai die ui in die olie tot ligbruin. Roer die kerriepoeier, borrie, suiker, suurlemoensap, sout en peper by die ui.

3 Druk die meeste van die melk uit die brood en hou die melk om later te gebruik. Druk die brood fyn met ’n vurk; voeg dit by die uimengsel.

4 Roer die vleis, 1 eier, blat- jang, rosyne en 150 ml van die melk by die uimengsel. Laat die vleismengsel liggies kook, sowat 8 min. Skep in die oondbak.

5 Klits die oorblywende eier en 100 ml melk saam. Giet dit oor die vleis en steek die suurlemoenblare in, opgerol of sommer net so skuins. Bak 30 min.