EIER IN ’N AARTAPPELMANDJIE
Aartappel, of dit gerasper, in skyfies, blokkies of oorskiet is, is gewild vir ontbyt in geregte soos aartappelkoekies ( hash browns) en Spaanse aartappelomelette (tortillas). Met dié maklike metode maak Klaredy van Wyk haar rösti-aartappelnessies binne-in die muffinpannetjie eerder as op die agterkant.
LEWER 6 MANDJIES Bereiding: 20 min. Gaarmaak: 45-50 min.
3 groot aartappels, geskil 60 g botter, gesmelt 2 takkies tiemie, blaar
tjies afgestroop sout en vars gemaalde
peper 6 eiers 75 g kaas, gerasper 6 repe streepspek,
brosgebraai en gekap gekapte grasuie of
pietersielie
Voorverhit die oond tot 180 oC. Bespuit ’n sesholte-muffinpan met kossproei.
1 Rasper die aartappels met ’n handrasper of ’n voedselverwerker se rasperhegstuk. Vou die aartappels toe in ’n skoon vadoek en druk die vloeistof uit.
2 Plaas die fyn aartappels in ’n bak; roer die gesmelte botter en tiemie by. Geur goed met die sout en peper.
3 Voer die holtes van die muffinpan (onderkant en sykante) eweredig uit met die gerasperde aartappel (nie te dik nie).
4 Bak tot die aartappel gaar is en die boonste rand goudbruin en bros,
k – koppie(s) e – eetlepel(s)
sowat 40 min.
5 Skakel die oond se roosterelement aan.
6 Breek ’n eier in elke holte en bak 6-8 min. tot die eierwit gestol het. Haal uit die oond en strooi die kaas oor. Rooster in die oond tot die kaas gesmelt is. Strooi die spek oor.
7 Sit voor saam met die grasuie of pietersielie.