SJOKOLADEKOEK VIR DIE GUYTJIES
Die beoordelaar Mari-Louis Guy se kinders, Max, Ethan en Sophia, eet graag sjokoladekoek. Veral Ethan is versot daarop. Die koek word vir alles gebruik: van kerkbasaar en kermis tot sirkus en skolesport.
LEWER 1 STAPELKOEK Bereiding: 40 min. Bak: 20-25 min.
SJOKOLADESPONSKOEK 500 ml (2 k) suiker 245 g koekmeel 90 g kakao 7,5 ml (1½ t) bak
poeier 7,5 ml (1½ t) koeksoda 5 ml (1 t) sout 2 eiers, kamer
temperatuur 250 ml (1 k) melk 125 ml (½ k) kanola
of sonneblomolie 10 ml (2 t) vanielje
geursel 250 ml (1 k) kookwater SJOKOLADEBOTTERVERSIERSEL 250 g sagte botter 160 g kakao 700 g versiersuiker,
gesif
160 ml (²⁄₃ k) melk 10 ml (2 t) vanielje
geursel SJOKOLADELEPELTJIES helderkleurige
plastieklepels 100 g sjokolade, gekap verskeidenheid kleurryke lekkers soos jellieboontjies, sprinkels en silwer balletjies
Voorverhit die oond tot 180 oC. Smeer en voer drie 20 cm-koekpanne met bakpapier.
1 Sjokoladespons
koek Meng die suiker, meel, kakao, bakpoeier, koeksoda en sout in die bak van ’n elektriese menger.
2 Voeg die eiers, melk, olie en vanieljegeursel by. Klits 2 min. teen matige spoed. Roer die kookwater by. Die beslag moet loperig wees.
3 Verdeel die beslag eweredig tussen die koekpanne. Bak 20-25 min. Laat heeltemal afkoel. 4 Sjokolade-botterversiersel Plaas die botter in die mengbak van ’n elektriese menger en roer die kakao daarby in. Voeg die versiersuiker en melk om die beurt by en klits teen matige spoed tot dit ’n smeerbare dikte bereik. Roer nog ’n bietjie melk by, indien nodig. Voeg laastens die vanieljegeursel by.
5 Sjokoladelepeltjies Voer ’n bakplaat met bakpapier uit. Pak die lepels daarop uit, met ’n boek of ander voorwerp om die lepelsteeltjies te steun sodat dit gelyk lê.
6 Plaas die sjokolade in ’n glasbak, smelt 20 sek. op ’n keer in die mikrogolf en roer elke keer tot die sjokolade amper gesmelt is. Haal uit en roer tot glad.
7 Skep die sjokolade in die plastieklepels – nie vol nie, om plek te los vir die strooisels.
8 Strooi die lekkers en sprinkels op die lepels. Laat die sjokolade eers afkoel voor jy ander lekkertjies bo-op strooi.
9 Laat 30 min. in die yskas verkoel.
10 Plaas die lepels bo-op die koek.