VARKLIESHAPPIES

GENOEG VIR 4 MENSE Bereiding: 15 min. Gaarmaak: 1 uur.

VLEIS

1 kg ontbeende varklies 500 ml (2 k) hoenderaftreksel 250 ml (1 k) witwyn sout en peper na smaak 15 ml (1 e) gekapte tiemie 30 ml (2 e) Dijonmosterd 375 ml (1½ k) broodkrummels olie vir diepvetbraai

OOSTERSE SOUS

180 ml (¾ k) bruinsuiker 200 ml sojasous 30 ml (2 e) rysasyn 15 ml (1 e) sesamolie 2,5 ml (½ t) swartpeper 10 ml (2 t) gerasperde gemmer 5 ml (1 t) fyngedrukte knoffel 60 ml (¼ k) tamatiesous 15 ml (1 e) mielieblom 15 ml (1 e) water Voorverhit die oond tot 200 °C.

1 Vleis Plaas die varklies in ’n oondpan, giet die hoenderaftreksel en wyn oor, en geur met sout, peper en tiemie. Maak toe met foelie en bak 45 min. of tot gaar en sag. Haal uit die aftreksel en laat afkoel. Sny in vingers.

2 Plaas die varklies en mosterd in ’n bak; meng goed tot die lies met mosterd bedek is. Rol die varklies in broodkrummels. Diepvetbraai tot bros.

3 Oosterse sous Plaas al die bestanddele buiten die mielieblom en water in ’n klein kastrol en bring tot kookpunt. Roer gedurig. Meng die mielieblom en water; roer by. Laat weer kook terwyl jy roer.

4 Sit voor saam met die varkliesrepies.

Sprinkel mikrokruie op ’n bord, pak varkrepies bo-op en streep mayonnaise langsaan.

(Blaai om)