HOE BESTUUR EK DIT?

Erkende en beproefde medikasie soos metielfenidaat, byvoorbeeld Ritalin en Concerta, stimuleer en verbeter die brein se bestuurstelsel. Die voorgeskrewe medikasie is nie gevaarlik of verslawend nie. Maar medikasie is nie genoeg nie, maan Dave.

Terapie vir die individu fokus op organisatoriese vermoëns, tydsbeplanning, sosiale vaardighede, angs en depressie. En terapie vir paartjies of gesinne help hulle die impak op hul verhoudingslewe bestuur.

Arbeidsterapie fokus op veral aanpassings in die werkplek, byvoorbeeld oorfone wat geraas uitdoof, hulp met beplanning en organisering, of ’n kollega wat verstaan waaroor dit gaan.

Handhaaf ’n gesonde leefstyl – volg ’n gesonde dieet, oefen, slaap genoeg, en vermy alkohol en dwelmmiddels.

Vermy veelvuldige skerms en allerhande sosialemediaplatforms soos Facebook, Instagram of Twitter wanneer jy op werk moet fokus.

Bêre al die belangrike goed op een plek om vergeetagtigheid te bestry.

Werk ’n strategie uit om tyd te bestuur sodat jy betyds is vir werk en afsprake.

Volwassenes met AGHS kan prestasieprobleme ervaar weens onoplettend- heid en probleme om opdragte te onthou. Tik die opdragte in jou foon, skryf kernwoorde neer of teken verklarende diagramme.

Programmeer jou selfoon om jou aan belangrike datums soos huweliksherdenkings te herinner.

Leer kognitiewe beheertegnieke (soos “stop, dink, doen”) om jou humeur te beheer.

Oopplankantore is ’n nagmerrie omdat daar so baie maniere is waarop hul aandag afgelei kan word