3 AFFOGATO MET KLAPPERKOEKIES

Maak die affogato net voor jy dit wil voorsit. Die koekies kan vooraf gemaak en gebêre word, GENOEG VIR 4 MENSE Bereiding: 5 min. 60 ml (4 e) whisky 8 skeppe vanielje

roomys sterk, warm filterkoffie VIR VOORSIT klapperkoekies (sien resep onder)

Verdeel die whisky tussen die glasies en voeg die roomys by. Giet die filterkoffie oor en sit voor saam met ’n klapperkoekie. KLAPPERKOEKIES LEWER SOWAT 20 Bereiding: 20 min. Staan: 1 uur Bak: 8 min. per baksel 100 g fyn klapper 100 g fyn gemaalde

amandels ’n paar druppels amandelgeursel (opsioneel) 150-200 g versier

suiker 2 eierwitte ekstra versiersuiker

om in te rol Voorverhit die oond tot 180 °C. Voer ’n paar bakplate met bakpapier uit. Stuif met mielieblom.

1 Meng die klapper, amandels, geursel (indien gebruik) en versiersuiker.

2 Klits die eierwitte styf en meng by die amandelmengsel in. Laat staan 1 uur.

3 Rol lepels vol in bolletjies, druk effens plat en rol weer in die versiersuiker. Pak taamlik ver uitmekaar op die bakplate.

4 Bak sowat 8 min. tot goudkleurig maar steeds effens sag in die middel. Laat heeltemal afkoel voor jy daaraan vat. Bêre in ’n lugdigte houer.

5 Sit voor saam met die affogato.