TWIS OOR TESTAMENT VERDEEL KINDERS
My pa is onlangs oorlede en ons kinders baklei nou oor dinge wat vroeër gebeur het wat die opstel van sy testament betref.
Hoe oud moet ’n mens wees voor jy ’n testament mag hê? En hoe oud moet die getuies wees wat ’n testament se ondertekening bevestig? As iemand se testament dan verander word, is dit nodig dat die oorspronklike getuies die gewysigde een weer onderteken? WW, SMS Volgens wet mag enige mens van 16 jaar of ouer wat verstandelik bevoeg is om die gevolge van sy optrede te verstaan ’n testament opstel.
Getuies moet ouer as 14 wees en moenie die testateur se huweliksmaat of erfgenaam wees nie.
’n Getuie mag ook nie as eksekuteur van die boedel optree nie.
Dit is nie nodig dat dieselfde getuies wat oorspronklik die testament onderteken het die gewysigde een onderteken nie.