Tempo’s: Stem vir jou liefling en wen

Huisgenoot se gewilde prysuitdeling kry vanjaar ’n digitale ale baadjie, maar jy kan steeds vir jou gunstelinge stem

M ET ’ n nuwe eeu wat voor Huisgenoot uitgestrek lê, is dit tyd vir vernuwing. Dit is ’n opwindende era van oneindige digitale moontlikhede wat wag; daarom kry Huisgenoot se Tempotoekennings vanjaar ’ n nuwe baadjie. Maak dus gereed vir ’n energieke ervaring wanneer jou gunstelingsterre vanjaar met ons gesogte Tempotoekennings bekroon word.

Die Afrikaanse sangers, akteurs, aanbieders en skrywers wat gesorg het vir die grootste vermaakhoogtepunte van die afgelope jaar is vir toekennings benoem.

En soos gewoonlik moet jy kies wie vanjaar met ’ n Tempo gaan wegstap.

Vanjaar word dieTempowenners nie aangekondig op ’n eenmalige geleentheid wat deur net ’n handjie vol bekendes en rolspelers in die bedryf bygewoon word nie; al ons lesers word genooi om die adrenalien en opwinding te ervaar wanneer 2017 se Tempowenners in Oktober regstreeks aanlyn op ons webtuiste, huisgenoot. com, bekendgemaak word.

En die opwinding hou nie daar op nie. Vanjaar het die Tempo’s ook ’n splinternuwe toekenning. Stem vir jou gunsteling van alle gunstelinge; die gewildste onder die gewildes – Huisgenoot se vermaakster van die jaar.

Haal sommer dadelik jou selfoon uit, stuur ’n SMS of besoek huisgenoot.com om in die 20 afdelings te stem. Jy kan boonop groot pryse losslaan as jy vir jou gunstelinge stem; ’n oorsese vakansie is selfs op die spel. djie