HOEKOM SONSKERM SO BELANGRIK IS
’n Sonskerm tree soos ’n baie dun koeëlvaste baadjie op om die ultraviolet-(UV-)strale te keer voor dit die vel kan bereik en skade aanrig. Dit bevat organiese sonskermmolekules wat UVstrale absorbeer en anorganiese pigmente wat die strale absorbeer, versprei en weerkaats.
WAT IS SBF?
Die afkorting SBF staan vir sonbeskermingsfaktor. Sonskerms kombineer verskeie bestanddele wat help voorkom dat die son se UV-bestraling die vel bereik. UVB is die hoofskuldige agter sonbrand. UVA-strale, wat die vel dieper binnedring, word verbind met plooie, leeragtigheid, afsakking en ander uitwerkings van veroudering weens lig. Sonskerms se vermoë wissel om jou teen UVA en UVB te beskerm. Die meeste sonskerms met ’n SBF van 15 of hoër bied uitstekende beskerming teen UVB. So werk dit: As dit 20 minute duur voor jou onbeskermde vel begin rooi word, sal ’n SBF-15-sonskerm teoreties 15 keer so lank verhoed dat jy rooi word – sowat vyf uur.