Hoekom INvesteer as jy kan OUTvesteer?
Die maatskappy wat versekering op sy kop gekeer het, bied nou OUTvest aan. Dis ’n nuwe, opwindende digitale beleggingsproduk wat jou van raad voorsien om jou doelwitte te verwesenlik deur die beleggingsproses te vereenvoudig en jou geld te spaa r
NS het almal iets waarvoor ons graag wil spaar: jou kind se opvoeding, ’n eie onderneming, die oorsese reis waaroor jy al so lank droom of ’n deposito vir ’n nuwe huis. Ongelukkig bly dit meestal net by drome en praatjies, want dis moeilik om getrou te spaar en die meeste mense verstaan nie die beleggingsproses nie.
OUTvest wil dit verander. Volgens Grant Locke, medestigter van OUTvest, is daar konkrete bewyse dat spaar vir groot aankope pleks van lenings aangaan ’n beduidende uit- werking op ’n huishouding se welvaart het.
Smee nou die spreekwoordelike yster terwyl dit warm is. Hoe vroeër jy begin, hoe beter – en hoe kleiner die bedrag wat jy sal moet bydra om jou doelwit te bereik.
WAT IS DIT?
OUTvest is ’n digitale beleggingsplatform wat die jongste en beste beleggingstegnologie, adviesstelsels en fantastiese aanlyn begrotingshulpmiddels benut om jou te help met die beplanning, daarstelling en verwesenliking van jou doelwitte. Besluit wat jy wil bereik en OUTvest sal jou daardeur lei. Die
digitale platform maak dit maklik om jou belegging te bestuur. Jy kan aanlyn of deur die OUTvest-app op die hoogte bly van hoe jou planne vorder.
WIE KAN DIT GEBRUIK?
Enigeen kan ’n OUTvesteerder wees, want ons almal het doelwitte. Of jy nou ’n maklike en lonende manier soek om ’n belastingvrye spaarrekening oop te maak of spesifieke toekomsplanne het waarvoor jy wil spaar, al wat jy nodig het, is ’ n droom en die dissipline om so min soos R100 per maand te spaar. Jy het nie eens beleggingservaring nodig nie. Die digitale OUTvest-adviesstelsel en spaardoelwitberekenaars sal jou help bepaal hoeveel jy moet wegsit en ook ’ n fonds voorstel om jou die doelwitte te help bereik.
WAT GAAN DIT KOS?
OUTvest se fooie is baie min en mededingend vergeleke met die bedryfstandaard. Dit beloop tot so min as 0,8%, alles ingesluit, van jou belegging, na gelang van hoeveel jy belê. Die gebruikersvriendelike prysaanwyser op die OUTvest-webtuiste sal jou help om OUTvest se fooie te vergelyk met die gemiddelde koste wat op beleggings gehef word.
WAAROM OUTVEST?
OUTvest wil mense se denkwyse oor beleggings verander deur die professionele beleggingsproses te vereenvoudig. Die voordeel is dat jy sonder die dienste van ’n finansiële adviseur ’ n professionele beleggingsplan kan saamstel. Die webtuiste en app word gerugsteun deur gevorderde beleggingstegnologie en jou geld word belê in unieke fondse, waarvan sommige net deur OUTvest beskikbaar is. Kundiges by ’n inbelsentrum sal jou help om enige struikelblokke te oorkom en jou die nodige raad gee.
“Ons glo OUTvest sal die deursneemens se toegang tot betroubare, professionele finansiële raad vergemaklik,” sê Niel de Bruin, medestigter van OUTvest.
IS JOU GELD VEILIG?
Enige belegging hou risiko’s in. Maar die gemoedsrus wat OUTvest jou bied, is die versekering dat jy oor die regte tydperk die regte bedrag in die regte fonds belê het. Dis ook nie noodwendig veiliger om jou geld in ’n bankrekening te hou as jy oor lang termyn wil belê nie. “Die waarde van die geld wat jy in ’n bankrekening hou, kan oor ’n langer tydperk nie tred hou met inflasie nie,” sê Grant. Jy moet jou swaarverdiende geld belê by maatskappye, soos OUTvest, wat deur die Raad op Finansiële Dienste gereguleer word. S