KAASKOEK VIR TEETYD
Met een doodmaklike resep as basis tower ons vyf heerlike variasies op – en daarby is hulle so mooi
EK HET lank geëksperimenteer om die volmaakte kaaskoekvulsel te kry wat lekker stewig maar nie te ryk en soet is nie. Hier is dit nou sonder enige room en die suiker is taamlik min. Dié resep het ek gebruik om allerhande heerlike variasies mee te skep.
KARAMELKAASKOEK
LEWER 1 MIDDELSLAG-KAASKOEK Bereiding: 15 min. Bak: 1¾ uur KORS 500 ml (2 k) koekmeel 160 g koue botter 100 g gekapte pekan
of okkerneute BASIESE VULSEL 3 x 230 g-bakkies gladde of geroomde maaskaas of net roomkaas 15 ml (1 e) mielieblom sap en skil van 1 suur
lemoen 3 ekstragroot eiers 2 eiergele 125-180 ml (½
¾ k) suiker ’n knippie sout 5 ml (1 t) vanielje
geursel BOLAAG 250 ml (1 k) bruin
suiker 60 ml (¼ k) water of gedreineerde appelvloeistof 1 x 400 g-blik miniappeltjies Voorverhit die oond tot 180 °C. Smeer ’n 23 cm-losboompan.
1 Kors Meng die meel en botter goed in ’n voedselverwerker tot dit soos broodkrummels lyk (of vryf die botter met jou vingerpunte in). Voeg die neute by en giet net genoeg water by om ’n stywe deeg te vorm. Druk vas onder en teen die kante van die pan, prik die kors en laat verkoel. Bak 5 min. en verwyder uit die oond. 2 Basiese vulsel Plaas al die bestanddele in ’n groot bak en meng tot glad. Giet in die kors.
3 Verlaag die oondtemperatuur tot 110 °C en bak 1½ uur tot net gaar maar steeds effens drillerig in die middel.
4 Skakel die oond af en laat die koek daarin afkoel. Laat verkoel tot benodig.
5 Bolaag Skep die suiker in ’n swaarboompan en voeg die water of appelvloeistof by. Verhit oor hoë hitte tot die suiker gesmelt is en ’n goue karamelkleur het. Moenie roer nie. (Jy kan wel die pan ’n paar keer skud.) Hou goed dop; dit raak blitsvinnig te donker en smaak dan bitter.
6 Dompel die pan se onderkant in koue water om die kookproses te stop.
7 Werk vinnig en doop die appels in die karamel. Rangskik op die kaaskoek en giet enige oorblywende stroop oor.
Variasie
Vir minder koolhidrate kan die suiker met xilitol vervang word, die koekmeel in die kors met fyn amandels en die water met geklitste eierwit. Los die bolaag uit of versier met vars vrugte.
BAKLAVAKAASKOEK
LEWER 1 MIDDELSLAG-KAASKOEK Bereiding: 20 min. Bak: 1¾ uur Rooster: 2-3 min. KORS 10 velle filodeeg 125 ml (½ k) botter, gesmelt VULSEL 1 x basiese kaaskoekvulsel; gebruik 125 ml (½ k) suiker BOLAAG 180 ml (¾ k) suiker 250 ml (1 k) water 1 kaneelstok fyn gerasperde skil
van 1 suurlemoen 200 g pekanneute fyn kaneel vir oorstuif romerige jogurt Voorverhit die oond tot 110 °C. Smeer ’n 23 cm-losboomkoekpan.
1 Kors Smeer 8 van die filodeegvelle met die botter en stapel rofweg op mekaar sodat hul punte uitstaan. Plaas in die bereide pan.
2 Vulsel Klits al die bestanddele saam en
skep in die filodeeg.
3 Smeer die res van die filodeeg met die botter, stapel op mekaar en plaas op die vulsel. Bak 1½ uur, skakel die oond af en laat in die oond afkoel.
4 Bolaag Kook die suiker, water, kaneel en suurlemoenskil saam tot stroperig, sowat 7 min., en voeg die pekanneute by.
5 Skep oor die afgekoelde koek. Skakel die roosterelement aan en plaas die koek in die oond. Rooster tot die neute effens verbruin. Stuif die fyn kaneel oor.
6 Sit voor saam met die jogurt.
> MINI-KAASKOEKIES
LEWER SOWAT 24-30 KOEKIES Bereiding: 20 min. Bak: 40 min. KORS 2 x 176 g-pakke
Oreo-koekies VULSEL 1 x basiese kaaskoek
vulsel Voorverhit die oond tot 110 °C.
1 Kors Plaas papierbakkies in 24-30 groot muffinholtes. Pak ’n koekie in elk.
2 Vulsel Klits al die bestanddele saam.
3 Breek die res van die koekies oop en skraap die vulsel af. Kap die koekies grof op en meng by die vulselbestanddele in.
4 Skep in die papierbakkies. Die koekies sal na bo dryf.
5 Bak 40 min. tot die vulsel net gestol maar nog effens drillerig is. Skakel die oond af en laat daarin afkoel.
VSJOKOLADEKAASKOEK
LEWER 1 MIDDELSLAG-KAASKOEK Bereiding: 20 min. Bak: 1¾ uur KORS helfte van karamelkaaskoek se kors; gebruik pekanneute 30 ml (2 e) kakao VULSEL 1 x basiese kaaskoekvulsel; gebruik net 125 ml (½ k) suiker 200 g donkersjokolade, gesmelt
BOLAAG
gekoopte sjokolade
en klapperballetjies donkersjokoladeblokkies, in stukke gebreek soutvlokkies Voorverhit die oond tot 180 °C. Smeer ’n 23 cm-losboompan.
1 Kors Verwerk al die bestanddele in die voedselverwerker en druk vas op die bodem van die bereide pan. Bak 5 min., ver- wyder uit die oond en stel die oond op 110 °C.
2 Vulsel Meng al die vulselbestanddele. Giet ’n lagie daarvan in die kors en giet dan ’n dun straal sjokolade in ’n sirkelvorm bo-oor. Herhaal tot alle bestanddele op is en bak soos beskryf by punt 3 van die karamelkaaskoekresep.
3 Bolaag Rangskik die balletjies saam met die sjokoladeblokkies bo-op en sprinkel die soutvlokkies oor.