SPAGHETTI EN GEVULDE FRIKKADELLE >
GENOEG VIR 6 MENSE Bereiding: 10 min. Gaarmaak: 15 min. 500-600 g boerewors,
uitgedruk 80 ml ( k) broodkrummels 5 ml (1 t) sout 2,5 ml (½ t) vars gemaalde
swartpeper 2,5 ml (½ t) knoffelpoeier 2,5 ml (½ t) droë origanum 1 eier 200 g mozzarella,
in blokkies gesny 500 g spaghetti, gekook 1 x 810 g-fles pastasous, verhit in ’n bak in die mikrogolfoond 100 g parmesaan, gerasper vars pietersielie, gekap Voorverhit die oond tot 180 °C en bespuit ’n bakplaat met kossproei.
Plaas die boerewors, broodkrummels, sout, peper, knoffelpoeier, origanum en eier in ’n bak en meng goed deur.
Neem ongeveer 30 ml (2 e) van die vleismengsel en rol dit in ’n balletjie. Druk ’n blokkie kaas daarin en maak seker die vleis bedek die kaas. Plaas die frikkadel op die bakplaat en herhaal met die oorblywende vleis en kaas.
Spuit kossproei op die bokant van die frikkadelle (dit laat hulle mooi bruin bak). Bak 12 min. en rooster 3 min. Moenie dit oorgaar maak nie, anders drup die kaas dalk uit.
Skep die spaghetti in ’n bak, plaas ’n paar frikkadelle bo-op en giet die pastasous daaroor. Strooi die parmesaan en pietersielie oor en sit dadelik voor.
Meng liewer al die spaghetti met die sous en frikkadelle in ’n groot bak voor jy dit voorsit, eerder as om alles apart in te skep.