GESOND VIR LANGER
As troeteldiereienaars een wens kon kry, sou die meeste wens vir nog tyd saam met hul diere. Hier is wenke sodat jy dit kan regkry
DAAR is geen towerstaf wat jy kan swaai om jou geliefde troeteldier se lewe te verleng nie. Maar daar is goeie raad wat jy kan volg om jou hond of kat te help om ’n hoë ouderdom te bereik en gesond te wees. Troeteldiere kom 1 GEE HULLE DIE BESTE DIEET ’nVoedsame, spesiegeskikte dieet sal help om jou troeteldier se immuunstelsel te versterk, sy dermgesondheid te handhaaf, sy verstand skerp te hou, sy gewrigte en spiere gesond te hou en soveel meer.
Vars, rou kos klop verwerkte kos vol onverteerbare vullers loshande. Katte moet veral nat kos eet. Hul stelsel kan nie droë kos hanteer nie; daarom kry hulle dikwels nier- en urienweginfeksies. Gee ook vir jou binnenshuise kat koringgras om aan te kou; dit help met haarballe. Voëls en knaagdiere floreer op ’n gevarieerde dieet, nie net stowwerige, skimmelrige sade nie. Selfs jou goudvis sal af en toe versot wees op ’n paar meelwurms pleks van sy yg gewone vlokkies. 2 HOU HUL MOND SKOON Benewens pyn kan tandheelkundige probleme tot hart- en niersiektes lei. Dit sal help om hul tande gereeld te borsel of vir hulle tandheelkundige lekkernye of speelgoed te gee. Dit is ook noodsaaklik om gereeld die veearts vir spesifiek skoonmaak te besoek. in allerhande groottes voor, en sommige rasse het ’n langer lewensverwagting as ander. Kleiner honde is byvoorbeeld geneig om ouer te word as grotes. Watter troeteldier jy ook al het, volg hierdie wenke om te verseker hulle bly so lank moontlik jou getroue maat. 3 NEEM HULLE GEREELD VEEARTS TOE In roetineondersoeke sal probleme raakgesien word voor dit moontlik lewensbedreigend word. 4 STOP OORVOERDERY Vetsug is die snels groeiende gesondheidsprobleem onder troeteldiere. Daar is bevind slanke katte of honde kan tot twee jaar langer as hul mollige eweknieë leef. Vet is nie oulik nie; dit is ’n moordenaar. Jou beste vriend loop gevaar van pynlike gewrigte en artritis, verlammende hartsiektes en diabetes. Hou jou troeteldier slank, en pleks van jou liefde betoon met peuselhappies, bring tyd saam met hulle deur of maak hul habitat gemakliker. Aanlyn is hope idees vir speelgoed en speletjies vir elke soort troeteldier. Beproef gerus ’n paar! 5 HOU HULLE VEILIG Om jou troeteldier los te laat loop in die buurt stel hom bloot aan baie gevare. Dit sluit in motorongelukke, roofdiere, diefstal, aansteeklike siektes (soos seksueel oordraagbare siektes as hy nie gesteriliseer is nie) en gifstowwe. Selfs ’n hoenderbeen op die sypaadjie kan in ’n geprikte dunderm eindig. Die bure gaan ook nie van hom hou as hy lastig is nie; hou dus jou troeteldier veilig tuis.