Wees weer jy
Lees hoe Eau Thermale Avène drie lesers se lewe verander het
AS JY of iemand wat jy ken ’n probleemvel het, sal jy weet watter nadelige uitwerking dit op ’n mens se selfvertroue en -beeld kan hê. ’ n Probleemvel is ongemaklik en pynlik en los fisieke en emosionele letsels. In Junie vanjaar het die gesogte dermokosmetiese handelsmerk Eau Thermale Avène drie Huisgenoot-lesers met ’n probleemvel die kans gegee om hul selfvertroue terug te kry en weer gemaklik te wees in hul eie vel. Hoe? Elke leser het 45 dae lank ’n velsorgroetine gevolg met produkte van die Cleanance-reeks. ’n Dermatologiekenner het elke leser se roetine by hul unieke velbehoeftes aangepas.
“Met net ’n paar weke se gebruik van die Eau Thermale Avène Cleanance-reeks is die terugvoer uiters positief,” sê dr. Kim Ansley, ’n dermatologie- kliniese assistent in haar derde jaar by die Steve Biko- Akademiese Hospitaal in Pretoria.
“Al die deelnemers het ’n verbetering in hul veltoestand aangedui vergeleke met die begin van die veldtog.
“Die verbetering is fisiek en emosioneel merkbaar en al die deelnemers praat van ’n toename in selfvertroue en ’n verbeterde sosiale lewe.”
Die Eau Thermale Avène Cleanance-reeks bied gespesialiseerde produkte vir olierige velsoorte en dié wat geneig is tot puisies en merke. Beskikbaar by uitgesoekte Clicks- en Dis-Chemapteke, vanaf R149,95.