SJOKOLADE-EN-KOFFIE-PANNA COTTA
Panna cotta is tradi sioneel ’n Italiaanse nagereg van versoete room wat met gelatien verdik en in ’n vorm gegiet word. GENOEG VIR 6 MENSE Bereiding: 15 min. Gaarmaak: 15 min. Staan: 15 min. Stol: 4-6 uur of oornag in yskas 500 ml (2 k) room 500 ml (2 k) melk 4 eiergele 60-80 ml (¼-¾ k)
strooisuiker 60 ml (¼ k) kakao 30 ml (2 e) kitskoffie, opgelos in 60 ml (¼ k) kookwater 30 ml (2 e) gelatien 60 ml (¼ k) warm
water VIR VOORSIT vars vrugte van jou
keuse Sit ’n groot silikoonjellievorm op ’n bakplaat.
1 Verhit die room en melk in ’n kastrol tot net onder kookpunt. Verwyder van die hitte.
2 Klits die eiergele, suiker en kakao saam in ’n mengbak. Voeg ’n soplepel vol van die melkmengsel by en klits goed. Voeg nog ’n lepel vol by en klits goed. Giet hierdie mengsel by die res van die melkmengsel in die kastrol.
3 Plaas die kastrol op matige hitte. Roer aanhoudend met ’n houtlepel tot die vla effens verdik. Verwyder die kastrol van die hitte en hou eenkant.
4 Meng die gelatien en water in ’n klein bakkie en laat 15 min. staan. Voeg by die vlamengsel en roer tot opgelos.
5 Giet die mengsel in die vorm en laat 4-6 uur of oornag stol.
6 Vir voorsit Keer die jellie uit op ’n opdienbord. Versier met die vrugte en sit voor.