DIE BLOU DAM VIR WATER-BLUES?
DAAR is water net waar ’n mens kyk, maar geen druppel te drink nie . . . Wel, nog nie. Namate die Kaapse waterkrisis op die spits gedryf word, word na die see gekyk vir oplossings en is die woord “ontsouting” op almal se lippe. Die droogte word bestempel as die ergste die afgelope eeu. Ná nog ’n swak winterreënseisoen is die damme wat die Kaapse metropool bedien gemiddeld 38% vol – en word gevrees hulle sal net tot Maart genoeg water kan voorsien.
Elders in die provinsie, met gemiddelde damvlakke van 37%, is die watersituasie ewe benard. Maar twee derdes van die provinsie se bevolking woon in die metro, waar die waterdruk in krane aanhou daal – al stort sommige Kapenaars nou glo net twee maal per week!
Maar is die oseaan werklik die antwoord? Is ontsouting prakties en bekostigbaar? En hoe werk dit? dering kan ook nie langer net op damme staatgemaak word vir meer as 90% van die Moederstad se waterbehoeftes nie.
Daarom is na tegnologie gekyk om die watervoorraad met 500 miljoen L per dag (oftewel 500 megaliter, ML) aan te vul. Ontsouting word as een van die belangrikste opsies beskou, maar die infrastruktuur daarvoor moet nog gebou word.
Die Stad Kaapstad se aanvanklike plan, wat in Augustus onthul is, behels mobiele ontsoutingseenhede wat in skeepsvraghouers pas langs die stedelike het gekla kontrakteurs moes baie bestee om tenderdokumente in te dien, maar dié werk is toe bloot van die tafel gevee.
Xanthea Limberg, burgemeesterskomiteelid belas met watersake, het daarna in ’n verklaring ontken die bou van aanlegte is afgelas. Volgens haar het die eerste ronde tenders nie aan spesifikasies voldoen nie; daarom word dit opnuut geadverteer. Boonop moes die stad weens omgewingsimpakoorwegings die beoogde getal terreine verminder en dit nader aan die waterverspreidingsnetwerk plaas.
“Ons aanvullingsprogram bestaan ook uit meer as daardie eerste tenders. Die stad mik na ’n mengsel alternatiewe waterbronne . . . benewens ontsouting ook grondwater (wateraaronttrekking en boorgate) en afvalwaterherwinning,” lui die verklaring.
Op 23 Oktober het Xanthea voorts laat blyk die stad het sy aanvanklike aanvullingsmikpunt van 500 ML/dag aangepas: “Daar word nou voorsien dat tussen 130 en 240 ML bykomende water per dag tussen Desember 2017 en Mei 2018 in die een of ander stadium van produksie sal wees. Dit sluit ontsouting, waterherwinning en grondwateronttrekking in,” het sy verklaar.
En op 26 Oktober onthul Kaaptad se burgemeester toe ’n nuwe plan: Tenders vir agt terreine om saam sowat 100 ML per dag te lewer gaan voort, met aanlegte by Houtbaai, Granger Bay, Red Hill, Strandfontein, Monwabisi, Harmony Park en die Kaapstadhawe, asook ’n aantal “gemeenskaplike terreine” – openbare verspreidingspunte waar inwoners van