CEVICHE MET SKERP PIENKSLAAI
GENOEG VIR 4 MENSE Bereiding: 20 min. Staan: 2-3 uur CEVICHE 1 lemoen 2 lemmetjies 2 suurlemoene 1,25 ml (¼ t) sout 1 brandrissie, gekap 400 g ferm wit vis, in baie dun
skyfies gesny PIENK SLAAI 2 rou bete, geskil en in dun
ringetjies gesny 4 radyse, in skyfies gesny 1 rooikool, gesnipper 1 rooi-ui, in dun skyfies gesny SLAAISOUS 1-2 rooi brandrissies, gekap 60 ml (¼ k) olyfolie sout, na smaak 15 ml (1 e) heuning ’n hand vol vars koljanderblare,
gekap
Ceviche
Druk die sap uit die lemoen, lemmetjies en suurlemoene; giet in ’n maatbeker.
Meng die sout en brandrissie deur die sapmengsel. Skep 45 ml (3 e) van die mengsel uit en hou eenkant (vir die slaaisous).
Giet ’n bietjie van die orige sapmengsel in ’n plat bak. Pak die visskyfies in ’n enkellaag bo-op die sap; giet nog van die mengsel oor. Bedek met kleefplastiek en laat staan 2-3 uur in die yskas; die vis sal wit verkleur.
Pienk slaai
Meng al die bestanddele in ’n mengbak.
Klits die orige sapmengsel en die res van die bestanddele goed saam; geur met die sout, indien nodig. Giet oor die slaai en meng deur.
Versprei die slaai op ’n groot opdienbord. Haal die vis uit die sapmengsel en pak bo-op die slaai. Sit dadelik voor.
Slaaisous Vir afronding