VEELKLEURIGE ONTBYTBAKKIES
Hierdie koel bakkies is ideaal vir die somer en ’n goeie bron van energie om die dag mee te begin. Maak gerus een van dié gesonde resepte. Die een is so lekker soos die ander. GENOEG VIR 4 MENSE Bereiding: 15 min. Vries: oornag TROPIESE SMOOTHIE Skil 6 piesangs, sny in stukke en vries oornag. Pols die piesangs saam met 1 pynappel (geskil en in blokkies gesny), 1 mango (geskil, ontpit en in blokkies gesny) en ½
papaja (geskil en in blokkies gesny) in die bak van ’n voedselverwerker tot glad. Voeg 125 ml (½ k) klappermelk en 5 ml (1 t) suurlemoensap by. Pols tot gemeng en verdeel tussen 4 bakkies. Pak ekstra vars
vrugte bo-op en drup vars grenadellapulp oor. SOMERVRUGTESMOOTHIE
Skil 6 piesangs, sny in stukke en vries oornag. Pols die piesangs saam met 350 g bevrore bessies, 1 mango (geskil, ontpit en in stukke gesny) en ½ spanspek (geskil, ontpit en in blokkies gesny) in die bak van ’n
voedselverwerker tot
glad. Voeg 125 ml (½ k) klappermelk, 5 ml (1 t) suurlemoensap en 15 ml (1 e) vars gekapte ment (opsioneel) by en pols tot gemeng. Hou in die vrieskas. Sprinkel Meng 60 ml (¼ k) droë gojibessies (opsio
neel), 30 ml (2 e) klapper en 30 ml (2 e) sonneblompitte goed. Vir voorsit Verdeel die smoothiemengsel
tussen 4 diep bakkies en strooi van die sprinkel oor. Versier met vars vrugte en sit dadelik voor. PERSKE-ENHAWERMOUTSMOOTHIE Skil 6 piesangs, sny in stukke en vries oornag. Pols die piesangs saam met 4 perskes (geskil, ontpit en in blokkies gesny) en 1
mango (geskil, ontpit en in blokkies gesny) in die bak van ’n voed-
selverwerker tot glad.
Voeg 60 ml (¼ k) rou hawermout, 125 ml (½ k) klappermelk en 5 ml (1 t) suurlemoensap by en pols tot glad.
Vir voorsit Verdeel die smoothie tussen 4 diep bakkies. Strooi ekstra rou hawermout, ’n bietjie papawersaad en ’n paar rou pistachioneute oor. Pak nog ekstra
vars vrugte op en sit dadelik voor.