VARKVLEIS-STROGANOFF MET FILO-KORS
Filodeeg is ’n gesonder alternatief vir tradisionele pasteideeg, want dit bevat minder vet. Ons spuit dit met kossproei pleks daarvan om dit soos gebruiklik met gesmelte botter te verf. GENOEG VIR 4 MENSE Bereiding: 15 min. Gaarmaak: 40-45 min. STROGANOFF 600 g varkfilet,
in repies gesny sout en vars gemaalde
peper 15 ml (1 e) olyfolie 4 stingeluie, gekap 250 g sampioene,
in skyfies gesny 2 patats, geskil en in
klein blokkies gesny 15 ml (1 e) meel 60 ml (¼ k) natuurlike
jogurt VIR AFRONDING 250 g filodeeg ’n hand vol vars
pietersielie, gekap Voorverhit die oond tot 230 °C.
Stroganoff
Geur die vleisrepies met die sout en vars gemaalde peper.
Verhit die olie in ’n kastrol en braai die vleis in sarsies bruin. Moenie die vleis te lank braai nie; dit droog baie vinnig uit. Skep uit en hou eenkant.
Braai die stingeluie en sampioene tot gaar. Voeg die patatblokkies by en strooi die meel oor. Roer deur en giet 60 ml (¼ k) water by. Bring tot kookpunt en laat stadig prut tot die patatblokkies gaar is.
Skep die vleis terug in die kastrol; roer die jogurt by. Geur met nog vars gemaalde peper, indien verkies.
Verdeel die stroganoff tussen 4 bakkies of skep in 1 middelslag-oondbak.
Breek die filodeeg rofweg in stukke op. Frommel elke stukkie deeg op en druk op die vulsel. Bespuit die deeg met kossproei en bak 5-10 min. in die oond of tot ligbruin en bros.
Sprinkel die pietersielie oor en sit voor.
Vir afronding