POFOMELET MET TAMATIESALSA EN GUACAMOLE
Vermeerder die omelet deur styfgeklopte eierwitte in te roer. Dit is veel gesonder as om nog ekstra heel eiers by te voeg. Dié gereg is vullend genoeg vir ’n ligte aandete. GENOEG VIR 2-4 MENSE Bereiding: 20-30 min. Gaarmaak: 15 min. SALSA 250 g gemengde tamaties, in kwarte gesny 15 ml (1 e) olyfolie 15 ml (1 e) suurlemoen
sap GUACAMOLE 1 avokado, geskil en
ontpit ’n skeut suurlemoensap OMELET
4 eierwitte 2 eiers sout en vars gemaalde
peper VIR AFRONDING 1 wiel feta, gekrummel ’n hand vol spinasie,
gesnipper 30 ml (2 e) sonneblom
pitte, gerooster Voorverhit die oond tot 200 °C. Bespuit ’n pan wat in die oond kan kom goed met kossproei.
1 Salsa Meng alles en hou eenkant. 2 Guacamole Druk die avokado rofweg fyn en meng die suurlemoensap deur. Hou eenkant. 3 Omelet Klits die eierwitte styf en hou eenkant. 4 Klits die twee heel eiers liggies; geur met die sout en vars gemaalde peper. Vou die
eierwitte by die eiers in.
5 Verhit die pan op die stoof. Giet die helfte van die mengsel in die pan en braai 5 min. oor lae hitte.
6 Vir afronding Sprinkel van die feta bo-oor en bak 5-10 min. in die oond of tot goudbruin en gaar. Skep versigtig uit en herhaal met die res van die eiermengsel.
7 Vul die omelette met die guacamole, spinasie, tamatiesalsa en sonneblompitte. Vou toe en sit dadelik voor saam met volgraan- of rogroosterbrood.