HOOP NÁ DIE VERWOESTING
NDeur Foto’s: ET maande gelede het dit gelyk of die poorte van die hel oopgeruk is toe strate vol huise deur die vlamme verteer is. Knysna Heights, Belvedere, Brenton-onSea . . . meer as 1 000 huise is binne drie dae in puin gelê hier teen die kus van die Suid-Kaap.
Vandag lewer die rye kaal sementblaaie waar huise eens gestaan het steeds stille getuienis van die ramp vroeg in Junie. Maar ’n groen stoppelbaard van nuwe gras op die verkoolde landskap ná onlangse reën is simbolies van ’n Knysnagemeenskap wat uit die as opstaan.
Stootskrapers en konstruksiewerkers het die plek van brandweerwaens en vuurslaanspanne ingeneem. Hulle woel onder ’n lugruim grys met reënwolke eerder as bolle verstikkende rook.
Die herbouwerk is deels danksy versekeringseise wat reeds uitbetaal is. Sowat 1 070 eiendomme is in die brande beskadig. Daarvan was sowat 700 eiendomme onverseker, meestal townshipwonings. Dié mense prakseer ’n nuwe dak oor hul kop so goed hulle kan.
In Belvedere, aan die oewer van die Knysnameer, is Morné Pienaar (45) een van die dh huiseienaars wat al l’ ’n uitbetaling b l gekry het. “Ons het dit in 1990 gebou,” vertel hy van die gesin se grasdakhuis wat tot op die grond afgebrand het.
Tans word ’n kleiner huis gebou op die fondamente waar sy motorhuis voor die brand in Junie was. Hulle wil so vinnig moontlik intrek, want die prys van hul tydelike huurwoning het weens die vakansietyd verdubbel. “Omdat ons dieselfde grondplan gebruik, is die bouplanne gelukkig vinnig goedgekeur,” vertel hy. Hulle kon al in September begin bou.
Oorkant hulle, aan die oewer van die meer, word ’n grasdakhuis heeltemal herbou. Teen die Knysna-koppe is die swart letsels van die brand nog sigbaar.
Patsy Singleton l van Greystraat, aan d die ander kant van die meer, het egter nie versekering nie. “I’m lost,” sê sy met ’n swaar Engelse aksent.
Sy vertel sy het as kind uit Brittanje hier aangeland en moes vroeg uit die skool omdat sy nie Afrikaans kon bemeester nie. Sedertdien maak sy ’n bestaan uit die verkoop van snuisterye en haar feestydprentjies en -boodskappies.
“My Kersfees-stensils het saam met ons huis verbrand. Ook al my foto’s en my ma se goed,” vertel sy terwyl die trane loop. “Ek moes ook al begin het met die Kersversierings wat ek verkoop.”
Sy, haar drie dogters en sewe kleinkinders het ’n soort hippie- bestaan