METAAN: JOU POND VLEIS

Koolstofdioksied (CO2) van brandende fossielbrandstowwe is die hoofkweekhuisgas. Metaan en distikstofmonoksied is egter sterker en, anders as CO2, steeds aan die toeneem. Die grootste bron is veeboerdery – in die besonder die winde wat beeste los en hul mis.

Tensy die wêreld se eetlus vir vleis en suiwel radikaal afneem, sal aardverwarming nie sommer geklop word nie.

Maar in die afgelope jaar het ’n moontlike oplossing skielik op die mark verskyn: plantaardige “vleis” met ’n piepklein omgewingsvoetspoor. Dit proe glo soos die ware Jakob en lok groot beleggings. In Amerika belê die Microsoft-baas, Bill Gates, in twee maatskappye vir plantaardige burgers, en Eric Schmidt, voormalige uitvoerende hoof van Google, meen plantgebaseerde kosse kan die brieke heelwat aandraai ai wat klimaatsverandering betref. Dit is veral betekenisvol dat groot vleis- en suiwelondernemings nou op die “plantkos”-wa klim. Voorbeelde is Amerika se grootste vleisverwerker, Tyson, en die multinasionale reuse Danone en Nestlé.

Die regering van China het ’n rukkie gelede R4,1 biljoen belê in ’n Israeliese maatskappy wat laboratoriumvleis kweek. Nuwe plantprodukte, van “hoender” tot “vis” en “kaas word feitlik maandeliks bekendgestel. bek Plantaardige melk (onder meer van soja, amandels of hawermout) is nou sow wat 10% van die mark in ’n biljoendollarbedryf in Am Amerika. En i in die afgelope jaar het die ve verkope van ander vleisen suiwe suiwelplaasvervangers met 8% gestyg. Sommige items, soos jogurt, het met 55% die hoogte ingeskiet. “Ek glo oor 30 jaar of so sal ons nie meer diere hoef dood te maak nie,” sê die Virginbaas en entrepreneur, Richard Branson. “Alle vleis sal van plante kom. Dieselfde smaak, maar gesonder vir almal.” En natuurlik sal daar minder beeste wees wat winde los en daardie kweekhuisgasse vervaardig . . .