Heilsame ppousemuffins
Wissel die toebroodjies af – en verras jou kinders met heerlike muffins propvol heilsaamheid
DIÉ muffins smaak nie net lekker nie; dit bevat heelwat minder suiker, vet en meel, en die smere is voedsamer. Avokado en maaskaas word as smeergoed ingespan, en vrugte verskaf die meeste soetigheid. Die muffins is ook propvol gesonde semels.
HAWERMOUTEN- GRONDBOONTJIE MUF FINS
Grondboontjiebotter sonder suiker vorm die vet vir dié heerlike hawermoutmuffins waarin dadels die meeste van die nodige soetigheid verskaf.
LEWER 8 GROOT MUFFINS Bereiding: 15 min. Bak: 30-45 min.
5 ml (1 t) koeksoda 250 g dadels 180 ml (¾ k) warm rooi
bostee 250 ml (1 k) hawermout 180 ml (¾ k) klapper 250 ml (1 k) klipgemaalde
witbroodmeel 10 ml (2 t) bakpoeier 5 ml (1 t) kaneel ’n knippie sout 250 ml (1 k) grondbone 30 ml (2 e) kanolaolie 60 ml (¼ k) bruinsuiker of
heuning 60 ml (¼ k) grondboontjiebotter sonder suiker of sout 2 eiers droë klapperskyfies
vir bo-op VIR VOORSIT grondboontjiebotter gemeng met ’n bietjie heuning vars bessies (opsioneel) Voorverhit die oond tot
180 °C. Smeer die holtes van ’n muffinpan goed of voer uit met papierbakkies.
1 Sprinkel koeksoda oor die dadels, giet warm rooibostee oor en laat afkoel.
2 Meng die droë bestanddele en voeg die grondbone by.
3 Klits die olie, suiker of heuning, grondboontjiebotter en eiers saam. Voeg by die droë bestanddele en meng.
4 Skep in die voorbereide muffinholtes, pak klapperskyfies bo-op en bak tot goudbruin en ferm.
5 Vir voorsit Halveer die muffins en smeer van die grondboontjiebotter oor. Rond af met vars bessies indien verkies.
KITSBESSIEKONFYT
Kook ’n paar bessies saam met ’n bietjie heuning of suiker in die mikrogolfoond tot dit sag is en die meeste vloeistof verdamp het. Smeer ’n bietjie grondboontjiebotter of maaskaas oor die muffins en smeer van die konfyt oor.
SPEK-EN-EIERMUFFINS
Die ideale muffin vir wanneer jy ontbyt verpas het. Groente, proteïen en koolhidrate, alles saam in ’n muffin. Dit bevat geen meel nie, maar wel bruinrys. Ek verkies om rugspek, wat heelwat minder vet as repiespek het, te gebruik.
LEWER 6-8 GROOT MUFFINS Bereiding: 20 min. Bak: 25 min.
2 uie, gekap olie 200 g gerasperde murgk – koppie(s) e – eetlepel(s)
pampoentjies 100 g gerasperde
sampioene 6 repies bladspek, gekap, of 2 gaar hoenderborsies, gepluis 250 ml (1 k) gerasperde
sterk cheddarkaas 5 ml (1 t) aangemaakte
mosterd 250 ml (1 k) gaar bruinrys 30 g gekapte kruie soos
pietersielie 6 eiers sout en peper na smaak 18 kersietamaties
vir afronding
Voorverhit die oond tot 180 °C. Bespuit 8 holtes van diep muffinpanne deeglik. Voer uit met bakpapier en bespuit weer.
1 Braai die uie in ’n bietjie olie tot glasig, voeg die groente by en roerbraai tot net sag en tot alle vloeistof verdamp het.
2 Voeg die spek of hoender, kaas, mosterd, bruinrys en kruie by. Meng en skep in goedgesmeerde muffinholtes.
3 Geur die eiers met sout en peper en klits goed. Giet oor die groentemengsel in die muffinholtes. Pak ’n paar tamaties bo-op elke muffin vir afronding.
4 Bak sowat 25 min. of tot ferm. Sit louwarm of koud voor.
SEMELMUFFINS
Baie semels, droëvrugte, sade en pitte vorm die grondslag van dié heerlike muffins wat betreklik min suiker en olie bevat.
LEWER 12-18 MUFFINS Bereiding: 15 min. Bak: 15-20 min.
750 ml (3 k) semels 250 ml (1 k) warm rooibostee 125 ml (½ k) bruinsuiker t – teelepel(s) of rou heuning 100 ml kanolaolie 250 ml (1 k) klipgemaalde witbroodmeel 250 ml (1 k) klipgemaalde volkoringmeel 2,5 ml (½ t) sout 125 ml (½ k) bosbessies of sultanas 125 ml (½ k) geroosterde sonneblompitte of gekapte neute soos pekanof kasjoeneute 12,5 ml (2½ t) koeksoda 180 ml (¾ k) karringmelk of natuurlike jogurt 2 ekstragroot eiers 60 ml (¼ k) elk sesamsade en pampoenpitte ekstra bosbessies vir booor sprinkel (opsioneel) VIR VOORSIT avokado en geroosterde repies spekvleis
Voorverhit die oond tot 180 °C. Smeer die holtes van ’n diep muffinpan goed, bespuit met kossproei of voer uit met papierbakkies.
1 Meng die semels, tee, suiker of heuning en olie en laat staan tot afgekoel.
2 Voeg die meel, sout, bessies of sultanas en sonneblompitte of neute by en meng liggies deur.
3 Meng die koeksoda en karringmelk of jogurt. Klits die eiers en voeg by.
4 Voeg die eiermengsel by die droë bestanddele en roer tot net gemeng – nie te veel nie, anders kry die muffins lugtonnels.
5 Skep die mengsel in die bereide panne en sprinkel die sade, pitte en bessies (indien verkies) oor. 6 Bak 15-20 min. 7 Laat effens afkoel in die panne; keer dan uit op ’n draadrakkie om heeltemal af te koel.
8 Vir voorsit Sit voor saam met avokado en spekvleis.
(Blaai om)