HANNON GEE HULP
Hannon gee sy top-10wenke wat hy gedurende dié seisoen van Glam Guru met lesers gedeel het
1 Natuurlike rooikoppe moet weet hulle het ’n baie weerbarstige oranje pigment in hul hare. Jy sal nie van die natuurlike rooi in jou hare kan wegkom nie; daarom moet jy altyd ’n haarkleur kies met ’n effens rooi kleur.
2 Dis moontlik om heeldag volmaak te lyk as jy ’n grimeerverseëlaar oor jou grimering aanspuit.
3 Donker en dramaties gegrimeerde oë kan maklik intimiderend lyk. Dra dus altyd ’n perskekleurige blosser op jou wange wat jou vriendeliker laat lyk.
4 As jou hare vinnig platval bo-op jou kop, laat sny dit effens korter bo. Dan sal jou kapsel vanself makliker opstaan.
5 As jy nie ’n saamtrekmiddel aan jou vel aanwend nie, kan die aktiewe bestanddele van jou vogroom en serums nie jou vel binnedring nie.
6 In jou tienerjare is ’n reiniger en sonskerm voldoende; vanaf jou 20’s moet jy ’n oogroom begin gebruik, en op 30 velserums onder jou vogroom.
7 Trek ‘n lyntjie met ’n wit oogpotlood naby die wimpers en versprei dit met jou vingers. Dit laat lyk oogskadu helderder.
8 Die bes bewaarde volumegeheim is om jou hare net met jou vingers en haardroër droog te blaas en nie met ’n borsel nie.
9 As jy ’n volumestileerproduk aan jou hare aanwend, sorg altyd dat jy dit in jou kopvel invryf, want dis hier waar volume begin.
10 Om krulhare die gladste en reguitste te blaas, blaas dit met ’n groot borsel terwyl dit nog papnat is.