Markus Jooste se bates verkoop
Te midde van die storms om die oud-Steinhoffbaas se kop ná sy bedanking raak hy geleidelik van sy besittings ontslae
HOOR ’n mens die naam Steinhoff, dink jy lankal nie meer net aan ’n sakeryk of Varsitybekerrugby nie. Beelde van ’n donkerkopsakeman met ’n spierwit glimlag en ’n netjiese pak klere duik waarskynlik voor jou geestesoog op.
Dis hoe die oud-Steinhoff-grootbaas, Markus Jooste (57), immers die afgelope paar weke pal op mediafoto’s gepryk het. En deesdae haal hy nie meer die nuus oor sakesukses of sy renperde se prestasies nie, maar om al die verkeerde redes.
Eers was daar sy skokbedanking as Steinhoff se uitvoerende hoof, berigte oor “oudit-onreëlmatighede” wat by die maatskappy ondersoek word en die ineenstorting van die Steinhoff-aandeleprys wat derduisende beleggers – ook pensioentrekkers – se sak geruk het.
Die tonge het midde-in die storm ook geklap oor ’ n affair wat Markus, ’ n getroude man, pa en oupa, na bewering het met ’n aanvallige blonde polospeler, Berdine Odendaal (34).
Vroeg in Februarie word Absa se aansoek om Markus se firma Mayfair Speculators, wat sy skoonseun Stefan (Pottie) Potgieter bestuur, te likwideer en hul bates te bevries in die hof aangehoor – alles in die hoop om R226 miljoen se skuld aan die bankreus te verhaal.
Intussen het Markus soos ’ n groot speld verdwyn en raak sy kring van sy groot bates ontslae . . .