GRIEKSE JOGURTKOEK

LEWER 1 MIDDELSLAG-KOEK Bereiding: 30 min. Bak: 50 min.

125 g botter 375 ml (1½ k) bruin

suiker 6 eiers, geskei 500 ml (2 k) koekmeel 15 ml (1 e) bakpoeier knippie sout 250 ml (1 k) fyn

gemaalde amandels 180 ml (¾ k) klapper 250 ml (1 k) natuurlike

volroomjogurt STROOP 180 ml (¾ k) suiker 250 ml (1 k) water sap en skil van

1 suurlemoen 1 takkie ment AFRONDING 230 g romerige maaskaas, gemeng met ’n bietjie heuning kersies en ekstra

heuning

Voorverhit die oond tot 180 °C. Bespuit ’n veerklamppan, 22 cm in deursnee. Stuif met meel.

1 Klits die botter en suiker saam tot lig en romerig. Voeg die eiergele een vir een by en klits goed.

2 Sif die koekmeel, bakpoeier en sout saam, voeg by die bottermengsel en vou in. Meng die amandels en klapper en voeg om die beurt met die jogurt by en vou in.

3 Klits die eierwitte styf en vou in.

4 Skep in die bereide pan en bak sowat 50 min. of tot ’n toetspen skoon uitkom.

5 Stroop Kook al die bestanddele 5 min. saam. Giet oor die warm koek. Laat afkoel en keer uit.

6 Afronding Smeer die roomkaasmengsel oor die koek, versier met die kersies en drup die ekstra heuning oor.

Die fyngemaalde amandels kan vervang word met semolina indien verkies.