SPAGHETTI MET ROMERIGE VARKFRIKKADELLE
GENOEG VIR 4 MENSE Bereiding en gaarmaak: 30-40 min. Met spek en parmesaankaas is die gereg niks anders as bederfkos nie. 1 x 250 g-pak strepiespek, fyngesny 45 ml (3 e) olie vir
braai 1 ui, fyngekap 1 knoffeltoontjie,
gekneus en fyngekap 500 g varkmaalvleis gerasperde skil van
1 suurlemoen 15 ml (1 e) gekapte vars
tiemie 5 ml (1 t) gerasperde vars gemmer 125 ml (½ k) gerasper
de parmesaankaas sout en vars gemaalde
swartpeper na smaak 400 g spaghetti 180 ml (¾ k) room 1 x 250 g-pak bevrore
baba-ertjies, ontdooi ’n paar takkies tiemie
vir garnering
Voorverhit die oond se roosterelement tot die hoogste temperatuur. Voer ’n oondpan met tin- foelie uit.
2 Plaas die helfte van die spek in die oondpan en rooster tot bros en krakerig. Haal uit die oond, dreineer op kombuispapier en hou eenkant.
3 Verhit 15 ml (1 e) van die olie in ’n swaarboompan en braai die ander helfte van die spek en die ui tot die ui sag en deurskynend is. Voeg die knoffel by en braai nog 1-2 min.
4 Plaas die uie-enspekmengsel saam met die maalvleis, suurlemoenskil, tiemie, gemmer en die helfte van die parmesaankaas in ’n groot mengbak. Geur met die sout en peper. Gebruik jou hande om alles goed te meng. Vorm frikkadelle so groot soos okkerneute.
5 Verhit die orige 30 ml (2 e) olie in ’n groot swaarboompan en braai die frikkadelle tot mooi bruin en amper gaar.
6 Kook intussen die pasta volgens die aanwysings op die verpakking en dreineer, maar behou 180 ml (¾ k) van die water waarin die pasta gekook is.
7 Voeg die room en die helfte van die pastawater by die frikkadelle in die pan en skraap die bodem van die pan om die vleisstukkies wat aangebrand het, los te kry. Laat kook tot die room begin dik word en die frikkadelle gaar is.
8 Voeg die ertjies by en geur weer met die sout en peper. Verhit tot deurwarm.
9 Roer die gaar spaghetti en bros spekstukkies by. (As jy dit nog ’n klein bietjie souseriger en klammer wil hê, kan jy die orige pastawater wat jy gehou het, byvoeg en deurroer.)
10 Strooi die orige parmesaankaas booor, garneer met die tiemie en sit voor saam met ’n slaai.