BUNNY CHOW MET ’N KINKEL
As jy dié weergawe van ’n bunny chow geproe het, sal jy nie maklik weer na ’n gewone een kyk nie. GENOEG VIR 6 MENSE Bereiding en gaarmaak: 30-40 min. Bak: 30 min. Staan: 10 min. KERRIEVULSEL 30 ml (2 e) olie vir
braai 1 groot ui, fyngekap 500 g maalvleis 1 x 3 cm-stuk vars
gemmer, gerasper 3 knoffeltoontjies,
gekneus en fyngekap 1 rooi brandrissie, saadjies verwyder en in stukkies gekap 15 ml (1 e) kerriepoeier 1 tamatie, ontvel en in
blokkies gekap 250 ml (1 k) beesvleis
aftreksel 1 aartappel, geskil en
in blokkies gesny sout en peper gerasperde skil van 1 suurlemoen en 15 ml (1 e) suurlemoensap ’n hand vol gekapte vars koljander, plus ekstra vir garnering PIESANGBROODJIES 125 g sagte botter 250 ml (1 k) suiker 2,5 ml (½ t) brand
rissievlokkies 2 eiers 500 ml (2 k) koekmeel 10 ml (2 t) bakpoeier 2,5 ml (½ t) koeksoda 1,2 ml (¼ t) sout 4 piesangs, fyngedruk
1 Kerrievulsel Verhit die olie in ’n swaarboompan en braai die ui tot sag. Voeg die maalvleis by en roer met ’n vurk sodat die vleis nie klonte vorm nie. Braai tot die vleis effens verbruin het.
Voeg die gemmer, knoffel en rissie by en braai 1-2 min. Roer die kerriepoeier by en meng goed voor jy die tamatie deur die mengsel roer. Laat kook oor matige hitte tot ’n sous vorm.
3 Voeg die aftreksel by, verhit tot kookpunt en verlaag die hitte. Sit die deksel op en laat 10 min. prut. Voeg die aartappel by en geur met die sout en peper. Laat 15-20 min. prut. Roer die skil en sap by en roer die koljander deur.
4 Voorverhit die oond tot 180 ºC. Smeer 6 broodpannetjies met botter. 5 Piesangbroodjies Klits die botter en suiker in ’n mengbak saam tot lig en romerig. Klits die rissievlokkies by en dan die eiers, een vir een.
Sif die meel, bakpoeier, koeksoda en sout saam. Voeg die meelmengsel en die piesangs by die eiermengsel. Meng goed en skep in die pannetjies. Bak 30 min. in die oond. Haal uit en laat 10 min. staan voor jy die broodjies op ’n draadrak uitkeer.
Sny die boonste deel van die broodjies soos ’n deksel af en hol die onderste deel effens uit. Skep van die kerrievulsel in en druk die broodkrummels terug. Sit voor saam met blatjang en sambal. MAALVLEIS DEUR KAREN HART; FOTO’S: HENK HATTINGH (HUMAN & ROUSSEAU, R260*)