MASWAZI SE TAFELBERGPOTJIE
GENOEG VIR 4 MENSE Bereiding en gaarmaak: 55-60 min. Ek het Maswazi Macaleni ontmoet toe hy by my huis kom kos soek het. Dié jong man het later deel van my huishouding geword. Dié gereg is een van sy groot gunstelinge. Wanneer hy vir hom van dié potjie skep, sê Maswazi, lyk sy bord soos Tafelberg – lekker hoog gestapel. 45 ml (3 e) olie 2 groot uie, fyngekap 1 vet knoffeltoontjie, gekneus en fyngekap 1 rooi brandrissie, saadjies verwyder en fyngekap 300 g maalvleis 1 groot of 2 klein rooi soetrissies, ontpit en in repies gesny 4 murgpampoentjies,
in ringetjies gesny 1 x 250 g-houer knopiesampioene, in skyfies gesny 1 eiervrug, in blokkies
gesny 2 groot of 4 klein
tamaties, gekap 15 ml (1 e) gekapte vars of 5 ml (1 t) droë origanum sout en peper na smaak 750 ml (3 k) beesvleisaftreksel
-½ 500 g-pak spaghetti, in stukkies gebreek 1 Verhit die olie in ’n swaarboomkastrol en braai die uie tot sag en deurskynend. Voeg die knoffel en brandrissie by en braai nog 1-2 min. Voeg die maalvleis by en roer liggies met ’n vurk sodat die vleis nie klonte vorm nie. Braai tot die vleis verbruin het.
2 Voeg die soetrissies by en braai ’n paar minute.
3 Voeg die murgpampoentjies, sampioene, eiervrug, tamaties en origanum by. Meng alles. Geur met die sout en peper.
4 Giet 500 ml (2 k) van die aftreksel by. Verlaag die hitte, sit die deksel op en laat 20 min. prut of tot die groente sag is en die vleis gaar.
5 Roer die spaghetti by en voeg die orige 250 ml (1 k) aftreksel by as vloeistof kort. Laat 20 min. prut of tot die pasta sag is en die vloeistof weggekook het. Sit voor saam met ’n slaai.