Op die silwerdoek: Lewensdrama wat roer
Drama. Met Andrew Garfield en Claire Foy. Regie: Andy Serkis. 7-9O. Het op 19 Januarie begin.
Waaroor gaan dit?
Die ware verhaal word vertel van Robin en Diana Cavendish (Andrew Garfield en Claire Foy van The Crown-faam), ’n avontuurlustige paartjie wat weier om tou op te gooi toe Robin op 28 polio in Afrika opdoen en van die nek af ondertoe verlam raak – en dit terwyl sy vrou swanger is. Hy is vasgekluister aan ’n hospitaalbed en dokters gee hom net ’n paar maande om te leef. Diana besluit dan om hom teen almal se aanbevelings huis toe te neem. Hulle span ook nuwe tegnologie in om dit vir Robin moontlik te maak om uit sy bed uit te kom en nuwe avonture aan te pak. Hy word later ’n kampvegter vir gestremdes.
Ware inspirasie
Jonathan Cavendish, die seun van Robin Cavendish, op wie die fliek gegrond is, is een van die vervaardigers van Breathe. Jonathan het al gewerk aan flieks soos Bridget Jones’s Diary en Elizabeth: The Golden Age. Hy het Breathe as ’n liefdesode aan sy ouers gemaak saam met sy beste vriend, Andy Serkis, wat sy debuut as regisseur maak. Andy is ook ’n akteur en het onder meer die rekenaarspel vir Gollum in die Lord of the Rings-flieks gedoen.
Wie sal hiervan hou?
Aanhangers van flieks soos Lion en The Theory of Everything, wat fokus op Stephen Hawking se bydrae tot fisika, sal aanklank vind by dié emosiebelaaide rolprent wat in die 1950’s 950s afspeel.