So voorspel jou Chinese horoskoop
HOND
1934, 1946, 1958, 1970, 1982, 1994, 2006, 2018
Honde is lojaal en sorgsaam en baie beskermend teenoor hul geliefdes. Hulle is ook opreg en bereid om vir hul oortuigings op te kom. Honde is kommerpotte, maar betroubaar en gerespekteerd.
Volstoom vorentoe! Honde kan groot dinge in hul eie jaar bereik. Deur na vore te tree, werk te maak van hul idees en hul geleenthede te benut kan hulle goed vorder. By die werk het hulle ’n goeie kans op bevordering of om ’n geskikter pos los te slaan. Deur op en wakker te bly kan Honde ideale kanse benut. Hul eie jaar is ’n uitstekende tyd om vooruit te dink. Nuwe vaardighede of kwalifikasies of ’n nuwe belangstelling kan vrug dra.
Baie sal dit geniet om projekte by die huis aan te pak. Hulle sal in hul skik wees met ontwikkelings in die familie. Honde sal geïnspireerd voel en die leiding met vele sake neem. Sosiale geleenthede kan tot nuwe vriendskappe lei en loslopers se romantiese vooruitsigte lyk belowend.
Dit is ’n uitstekende jaar, maar Honde moet die voortou neem en toesien die daad word by die woord gevoeg. As hulle tot aksie oorgaan, kan blote geluk en toeval ’n rol speel.
VARK
1935, 1947, 1959, 1971, 1983, 1995, 2007
Varke is spontaan, goedhartig en goedgelowig. Hulle het goeie verhoudings met baie mense en hul huislike en sosiale lewe is veral belangrik. Hulle geniet die fyner dinge in die lewe. Varke is hardwerkend en benut hul vaardighede en geleenthede goed.
Dit is ’n bemoedigende jaar met ontwikkelings wat op lang termyn betekenisvol kan wees. Opleiding by die werk en geleenthede wat daar opduik, kan vir hulle nuwe moontlikhede ontsluit. Wat Varke nou leer en bereik, kan hul aansien en vooruitsigte verbeter.
Hulle moet vanjaar kontakte opbou en aandag trek. Hul moeite sal beloon word, veral in die jaar van die Vark, wat hierop volg.
Varke sal vanjaar vele sosiale geleenthede geniet en hul vriendekring uitbrei. ’ n Nuwe strewe en geleenthede om hul talente op nuwe maniere te ontwikkel kan party inspireer. In hul bedrywige huislike lewe sal Varke ander help en ’n oog oor hulle hou.
Daar is die moontlikheid van ’n familieviering. Party kan ’n meevaller kry en met mooi herinnerings van ’n reis terugkeer. ’n Aangename en opbouende jaar wag op hulle.
ROT
1936, 1948, 1960, 1972, 1984, 1996, 2008
Met hul sjarme, styl en vriendelike geaardheid kom Rotte met die meeste mense oor die weg. Hulle het ’n slag om geleenthede raak te sien, het goeie vaardighede en ook goeie oordeel. Rotte geniet geselskap en heg groot waarde aan hul familie en sosiale lewe.
Dis ’n jaar van gulde geleenthede; Rotte sal hul sterk punte beter kan benut. By die werk sal heelparty suksesvol kan voortbou op wat hulle reeds bereik het of ’n nuwe pos aanvaar wat beter by hul talente pas. Hulle moet hul oë oophou vir iets wat hulle geval.
Dis ’n goeie tyd vir skeppende projekte; baie Rotte se vaardighede en idees sal goed ontvang word. Belangstellings kan mooi ontwikkel. As hulle nuwe aktiwiteite aanpak en hul vaardighede uitbrei, kan dit deure open.
Al verhoog hul inkomste dalk, moet hulle hul uitgawes dophou. Hulle sal waarskynlik heelwat aan hul tuiste moet bestee. Groot aankope moet eers versigtig oorweeg en die koste bereken word. Rotte moet ook gebalanseerd leef en tyd vir geliefdes en vriende opsysit. As hulle te besig of afwesig is, kan hulle moeilike oomblikke beleef.
OS
1937, 1949, 1961, 1973, 1985, 1997, 2009
Vasberade, betroubare en hardwerkende Osse pak alles energiek aan. Hulle is deeglik en goed georganiseerd en laat niks aan die toeval oor nie. Osse is lojaal aan hul geliefdes, en hul betroubare, nugtere werkwyse dwing bewondering af.
Dit sal ’n wisselvallige jaar wees. Enige vordering sal aansienlike moeite verg. Heeljaar lank moet Osse versigtig voortgaan met die nodige aanpassings. Dit is nie nou die tyd vir koppig wees of teen verandering skop nie.
By die werk kan groter druk wees, maar ook kanse om meer pligte te aanvaar. Wat hulle bereik, kan later betekenisvol wees wanneer ander geleenthede opduik. Osse moet hul opleiding benut en geleenthede aangryp om kontakte op te bou en die aandag op hulle te vestig.
Hulle moet hul uitgawes dophou en aandag skenk aan papierwerk. Reisvo oruitsigte lyk uitmuntend. Verhoudings kan groot genot verskaf. Vir enkellopende Osse is ’n betekenisvolle romanse moontlik, en selfs ’n troue. Party kan saam met ’n maat nesskop. Hul huislike lewe sal bedrywig wees met ’n goeie mengsel nuwe projekte en geleenthede om te koester.
TIER
1938, 1950, 1962, 1974, 1986, 1998, 2010
Tiere is aktief en geesdriftig. Hulle pak aktiwiteite baie energiek aan. Hulle is vol idees, kreatief en vindingryk. Hulle is bereid om kanse te waag om te kry wat hulle wil hê. Tiere geniet ander se geselskap en het wye belangstellings.
’n Skaflike jaar lê voor waarin hulle planne doelgerig sal uitvoer. As hulle moeite doen, kan hulle goeie vordering maak. By die werk sal heelparty Tiere danksy hul vaardighede en ervaring groter verantwoordelikhede aanvaar of na ’n nuwe pos met beter vooruitsigte vorder. Vanjaar moet hulle hul sterk punte benut.
Vordering by die werk kan hul geldsake verbeter. Met goeie reisvo oruitsigte kan hulle gerus vir ’n vakansie of ’n wegbreektydjie voorsiening maak. Hul persoonlike lewe is bedrywig en baie Tiere sal hul vriendekring verbreed.
Vir enkellopendes kan romanse wink. Hul huislike lewe sal die ene bedrywigheid wees danksy tye van samesyn. Met so ’n gebeu rtenisvolle jaar is goeie skakeling tussen almal belangrik; vele projekte sal baat vind by dialoog.
Op ’n persoonlike vlak sal Tiere in aanvraag wees en baie mense sal hul goeie raad waardeer. In die geheel ’ n goeie, suksesvolle jaar waarin harde werk en toewyding vrugte sal afwerp.
KONYN
1927, 1939, 1951, 1963, 1975, 1987, 1999, 2011
Die vriendelike en begrypende Konyne heg groot waarde aan hul huislike en sosiale lewe. Hulle geniet geselskap en gesprekke, en met hul verfynde smaak is hulle gesteld op ’n aangename leefstyl. Konyne kan situasies haarfyn beoordeel, hulle tree versigtig op en loop ’n wye draai om risiko’s.
’ n Goeie jaar lê voor, maar Konyne moet op sleuteld oelwitte bly fokus sonder dat hul aandag afgelei word. Veral gebeure by die werk kan Konyne onrustig stem. Maar as hulle op hul pligte konsentreer en hul vaardighede uitbrei, sal hulle op nuwe maniere kan wys wat in hulle steek en die saad vir toekomstige vordering saai.
Dit is ’n jaar vir stadig maar seker vorder en op die uitkyk bly na nuwe geleenthede. Dis ’n goeie tyd vir persoonlike belangstellings met geleenthede om idees te ontwikkel en talente beter te benut. Belangstellings kan ook ’n sosiale element bevat; dit kan Konyne inspireer en aanmoedig.
Hul romantiese vooruitsigte lyk goed. Tuis is dit ’n bedrywige jaar met vierings en ambisieuse projekte. Hier kan spanpogings en goeie beplanning ’n goeie begin wees.