BRAAIRYS MET VARK EN EIER

GENOEG VIR 6 MENSE Bereiding: 15 min. Gaarmaak: 20 min.

375 ml (1½ k) bruinrys 5 ml (1 t) olyfolie 10 ml (2 t) sesamolie 350-400 g varkfilet,

in repies gesny sout en swartpeper 1 ui, gekap 250 g sampioene,

in kwarte gesny 2 knoffelhuisies,

fyngemaak 250 ml (1 k) elk bevrore

ertjies en mielies 4 sprietuie, gekap (hou

die groen bodeel) 45 ml (3 e) oestersous EIERS 3 eiers, geklits groen bopunte van die

sprietuie 5 ml (1 t) rissievlokkies

(opsioneel) ’n hand vol vars

koljander, gekap 5 ml (1 t) botter ektra vars koljander,

gekap ekstra rissievlokkies

(opsioneel)

Kook die rys volgens die aanwysings op die verpakking.

Verhit die olies in ’n pan, geur die vark met sout en peper en braai klompies-klompies tot bruin. Hou eenkant.

Braai die ui en sampioene in dieselfde pan tot bruin; voeg die knoffel by. Roerbraai 1 min.

Voeg die ertjies, mielies, sprietuie, rys, sous en sout en peper by. Roerbraai tot die ertjies en mielies deurgaar is.

Eiers

Klits die eiers, die bopunte van die sprietuie, rissievlokkies (opsioneel), koljander en sout en peper saam. Verhit die botter in ’n kleefvrye pan en voeg die helfte van die eiermengsel by. Maak dit soos ’n omelet gaar. Herhaal met die res van die eiermengsel.

Sodra die omelette afgekoel het, rol dit op en sny in repies.

Meng die vark, rysmengsel en eierrepies; sit voor saam met nog koljander en rissievlokkies.