KLEWERIGE KLAPPERRYS MET MANGO EN GEROOSTERDE PYNAPPEL
Dis ’n heerlike Thaise nagereg; ons het geroosterde pynappel bygevoeg vir ’n pikante geur. GENOEG VIR 6-8 MENSE Bereiding: 10 min. Week: 4 uur, verkieslik oornag Gaarmaak: 20 min. RYS 375 ml (1½ k) jasmyn
rys 625 ml (2½ k) water 250 ml (1 k) klap
perroom 125 ml (½ k) suiker 2,5 ml (½ t) sout VRUGTE 2 ryp mango’s 1 pynappel VIR VOORSIT knippie soutvlokkies 60 ml (¼ k) klapper
room geroosterde klapper
vlokkies ’n paar vars pepermentblare, in lang, dun repies gekap 1 Rys Spoel die rys ’n paar keer tot die water amper helder is. Week minstens 4 uur of verkieslik oornag in vars water. Spoel af in ’n vergiettes. Plaas die rys in ’n kastrol met water en laat sowat 15 min. kook tot dit sag is en die meeste water afgekook het.
2 Verhit die klapperroom in ’n ander kastrol oor matige hitte en roer 2 min. Voeg die suiker en sout by; roer tot die suiker heeltemal opgelos het.
3 Haal die klapperroommengsel van die hitte af en voeg ’n paar lepels daarvan by die klewerige rys. Meng liggies. Meng die res van die klapperroommengsel lepel vir lepel liggies by die rys in. Laat eenkant afkoel.
4 Vrugte Skil en sny die mango’s in skywe en hou in die yskas tot jy dit nodig kry. Skil, ontkern en sny die pynappel in die lengte in kwarte. Rooster, sny in stukkies en laat staan eenkant.
5 Vir voorsit Voeg die soutvlokkies by die klapperroom en verhit effens. Skep van die klewerige rys in bakkies, plaas ’n paar skywe mango en stukkies pynappel bo-op of langsaan, bedruip met die klapperroom en strooi die geroosterde klappervlokkies en pepermentblare oor.