‘WATWOU LUUKSES, DIS ’N SWÁÁR LEWE!’
Oscar kry nie spesiale behandeling agter tralies soos onlangs berig is nie, sê ingeligtes, al is hy in ’n tronk met geriefliker toestande as ander
HET jy al gehoor van ’ n tronksel met ’n en suite- badkamer? En ’n gevangene met ’n privaat groentetuin waar hy vars kos vir sy eie bord kweek? Dit klink immers verbasend gerieflik.
Dit is glo deesdae die leefstyl van die voormalige Paralimpiese atleet Oscar Pistorius in die Atteridgeville- Korrektiewe Sentrum buite Pretoria.
Dit is nou as ’n mens die bewerings in ’n onlangse opspraakwekkende berig in die Daily Mail in Brittanje kan glo.
Dié koerant berig Oscar kry spesiale behandeling agter tralies. Volgens die koerant het ’ n woordvoerder van die gevangenis gesê die lemnaeler het ’n spesiaal aangepaste badkamer en word toegelaat om sy eie kos in die uitgebreide tuin te “kweek”.
Aikôna, sê die departement van korrektiewe dienste (DKD). En ’n ingeligte bron beaam: “’n Mens weet dit is nie so nie; jy kan dit sien.
“Oscar kry swaar. Dit is nie vir hom maklik in die tronk nie.”
Die bewerings in die koerant is ver van die waarheid, sê dié bron en die DKD.
Dit was onlangs vyf jaar sedert Oscar sy modelmeisie, Reeva Steenkamp, op Valentynsdag 2013 deur die toe badkamerdeur van sy meenthuis in Pretoria doodgeskiet het. Hy het gesê hy het haar vir ’n inbreker aangesien.
Hy was reeds in Atteridgeville voor die appèlhof in Bloemfontein verlede November sy moordvonnis van ses jaar tot altesaam 13 jaar en vyf maande verleng het.
Oscar is toe toegelaat om daar aan te bly en is nie na ’n ander gevangenis geskuif nie.
Dié tronk huisves hoofsaaklik gevangenes wat nie aan die ernstigste soort misdade skuldig bevind is nie.
Oscar dien ’n veel swaarder straf uit – en vir ’n veel ernstiger misdaad – as enige ander gevangene in Atteridgeville.
Die vonnisse van die ander gevangenes daar wissel van ’n paar maande tot hoogstens ses jaar.
Vonnisse vir ernstige misdade soos moord word gewoonlik in maksimu msekuriteit s gevangenisse soos Kgosi Mampuru II in Pretoria uitgedien, waar Oscar vroeër aangehou is.
Daar het die atleet’ n jaar in die hospitaal afdeling deurgebring.
“Sy gestremdheid moet in ag geneem word as ’n faktor wat hom weerloos sal maak in’ n maksimum sekuriteit sgevangenis( soos Kgosi Mampuru II),” sê Singabakho Nxumalo, DKD-woordvoerder.
Boonop word Oscar as’n“lae risiko ”gevangene beskou.
Maar al is die omstandighede in die Atteridgeville-gevangenis dalk geriefliker as in sommige ander gevangenisse in Suid- Afrika, lei die 31- jarige Oscar g’n luukse lewe daar nie.
NOG ’ n ingeligte bron wat verkies om anoniem te bly benadruk geen waarheid steek in die Daily Mail se berig dat Oscar spesiale behandeling kry nie. Hy het geen spesiale badkamer aan sy sel nie en ook nie sy eie groentetuin nie.
“Miskien dink mense hy kry beter behandeling omdat hy goeie verhoudings met bewaarders het,” sê die bron.
Nogtans is dit vir Oscar “bitter sleg” om in die tronk te wees, benadruk die bron.
Logan Maistry, nasionale DKDwoordvoerder, het in ’n verklaring aan Huisgenoot gesê Oscar het nie sy eie sel nie. Maar volgens ons bron is Oscar wel in ’n enkelsel – een sonder spesiale geriewe.
“Hy het ’n oop badkamer en toilet soos in enige ander sel,” sê die bron.
Volgens Logan kry Oscar dieselfde ontbyt, middag- en aandete uit die tronkkombuis as die ander gevangenes.
“Die oortreder het nie sy eie groentetuin nie. Daar is wel ’n landbouafdeling by die tronk waar verskeie soorte groente deur die gevangenes gekweek word.”
Logan sê Oscar en sy medegevangenes se selle word soggens om sesuur oop-
gesluit. Bewaarders tel hulle eers voor almal ontbyt gaan eet. Nes die res dra Oscar oranje klere.
Ontbyt is pap, ’n vrug, twee snye brood en koffie. Vir middagete kry elke gevangene vier snye brood en koffie. Aandete is om vieruur en bestaan uit ’n stukkie vleis, pap en twee groentes.
Tussen ontbyt en middagete is die gevangenes meestal buite. Die tronkgebou is omring deur groentetuine waar hulle werk as deel van die rehabilitasie program.
Die gevangenes ontspan egter nie; hulle moet skouer aan die wiel sit.
Ook Oscar moet werk en is glo in beheer van die trekker. Een van sy pligte is glo om die landerye te ploeg.
Hieroor sê Singabakho: “Wie ook al dié inligting gedeel het, tree teen ons beleid op. Of dit nou waar of vals is, dit word nie toegelaat nie. Al wat ons kan bevestig, is Oscar is aktief besig met’ n verskeidenheid rehabilitasie programme .”
Voor Reeva se dood was Oscar betrokke by ’n paar sakeondernemings, onder meer die een wat die tegnologie vir hard- looplemme ontwikkel het.
Die Pistorius-familie is bekend vir hul sakebedrywighede, soos die landboukalk onderneming H. Pis tor i u s& Kie, wat Oscar se oupa begin het. Oscar se oom Arnold Pistorius het’ n suksesvolle eiendoms ontwikkelings maatskappy, T win City Development.
Oscar lees glo sakeboeke wat hy in die tronk se biblioteek kry.
Logan het bevestig die Atteridge villegevangenis het nie’ n gimnasium nie. Daar is wel buitegebiede waar sport beoefen kan word.
OSCAR het “maer en baie oud” geword, vertel die bron. “Die tronklewe is ’n verskriklike lewe. Dit vreet aan hom.”
Die besoeke deur sy familie is Oscar se groot hoogtepunt. Hy is ’n klas A-gevangene, wat beteken hy mag ’n sekere getal kontakbesoeke per jaar ontvang. Volgens Logan is dit ’n maksimum van vyf besoeke per maand.
Elke besoek duur ’n uur en daar mag nie meer as drie mense op ’n slag by hom wees nie.
Volgens die kennis kla Oscar nie oor sy omstandighede by besoekers nie, maar hy het al erken dit is ’n aanpassing.
“Oscar staan sterk onder die omstandighede,” sê Henke Pistorius, die lemnaeler se pa. “Dit is iets dié waardeur hy moet kom. Jy moet onthou, hy het nie in sy lewe bereik wat hy bereik het omdat hy iemand is wat moed opgee nie.
“Die grootste straf waarmee hy moet saamleef, is die wete dat hy die dood veroorsaak het van die vrou wat hy liefgehad het. Daar is nie ’n groter straf as dit nie,” sê Henke.
Die kennis sê Oscar besef hy kan niks aan sy situasie doen nie. Hy kan net dinge dag vir dag vat.
“Hy weet hy moet hierdeur kom. Hy is skrikkerig, want hy weet nie wat die uitkoms gaan wees nie. Hy maak die beste van elke dag.
“Hy lees en leer en gebruik sy tyd behoorlik sodat hy nie heeltyd oor alles sit en wonder nie,” vertel die kennis.
“Maar elke dag bly vir hom ’n trauma waardeur hy moet kom.”
‘Die tronklewe is ’n verskriklike lewe. Dit vreet aan hom’