Three Billboards ’n ontroerende fliek
Misdaaddrama. Met Frances McDormand, Woody Harrelson, Sam Rockwell en Peter Dinklage. Regisseur: Martin McDonagh. Begin op 23 Februarie. 16TVG.
Waaroor gaan dit?
Dit is ’n fliek oor verlies en die tragiese gevolge daarvan. McDormand vertolk die rol van ’n gedrewe ma, Mildred Hayes, wat haar bes doen om haar tienerdogter se moordenaars vas te trek.
Sewe maande ná haar kind se dood rig sy drie omstrede advertensieborde op om inwoners te laat weet dat die polisie, en veral die polisiehoof, Bill Willoughby (Harrelson), nog niks gedoen het om haar dogter se moord- saak op te los nie. Sy weier om dit te aanvaar r en kom soms harteloos voor in haar strewe om m geregtigheid te laat geskied.
Emosionele wipwarit
Die rassisme, korrupsie en die polisie se swak k hantering van ernstige sake maak ’n mens s woedend. En soms maak Mildred se hard- koppigheid jou ook wrokkig teenoor haar.
Almal weet van haar hartseer weens die moord op haar dogter, Angela ( Kathryn Newton), maar sy vervreem haar van die polisie, kerk en gemeenskap. Sy gee nie om wie in die proses seerkry nie. Selfs haar seun, Robbie (Lucas Hedges), voel verneder deur die drie advertensieborde en haar genadelose soektog na regverdigheid. Hy raak depressief.
Die spel
McDormand verdien die Golden Globe vir beste aktrise in ’n dramaprent wat sy onlangs vir dié rol losgeslaan het. Hoewel haar karakter soms koud voorkom, behou sy steeds die menslikheid van Mildred. Sy laat ’n mens besef omstandighede het haar gedryf tot die dinge wat volg nadat die drie advertensieborde opgerig is. McDormand se spel sal jou lank bybly. Sy is koud, ernstig en kwaad en beeld dit baie goed uit.
Harrelson stap hier uit sy gewone komiese fliekrolle en pak dié rol met erns en diepte aan. Hy verander soms oombliklik van bad
cop na good cop en later ’n tragiese een. Die fliek is ’n sterk, emosiebelaaide en roerende drama oor ’n ma wat eintlik net na ’n bietjie hoop smag.