JOU STERRE
RAM
21 MRT – 19 APR As jy ’n tipiese Ram is, spring jy waarskynlik vinnig weg – met woord en daad. Met dié dat Mercurius, meester van die tong, jou teken binnegaan, word dié kenmerk versterk, ten goede of kwade. Terwyl jy waarskynlik nie antwoorde sal hoef te soek nie, kan ’n oorhaastige antwoord dalk ander se gevoelens misken. Voorkom kwetsende kommunikasie deur na te dink voor jy praat. GELUKKIGE NOMMERS 9, 48, 38, 4, 25, 5
BUL
20 APR – 20 MEI Die kollig val op jou vriendskappe; die tyd is dus geleë om kennis te neem van die belangrike rol wat hulle in jou lewe speel. Benewens geselskap en ondersteuning, is hulle ook ’n bron van pret en help hulle dalk met karakterbou. Vandeesweek kan jy verwag dat hulle met prettige aktiwiteite vorendag sal kom; party daarvan selfs ’n bietjie te avontuurlik na jou sin. Oorweg dit, veral as jy in ’n groef verval het. GELUKKIGE NOMMERS 41, 18, 23, 20, 42, 35
TWEELING
21 MEI – 20 JUN Die week begin op ’n hoë geestelike noot. Jou verstand werk dalk oortyd soos gedagtes met mekaar meeding en deur ’n verskeidenheid planne rits. Hierdie stimulerende tyd kan ’n seëning wees, veral vir jou beroepslewe, maar waak daarteen om in ’n senuweewrak te ontaard. Dis veral vandeesweek noodsaaklik om nie net te beplan nie, maar ook te visualiseer en te droom. Probeer tyd vir albei inruim. GELUKKIGE NOMMERS 16, 50, 32, 14, 5, 6,
KREEF
21 JUN – 21 JUL Die netwerkende Mercurius betree jou loopbaanhoroskoop; dis dus ’n gunstige tyd om gesellig te verkeer om jou beroepslewe te bevorder. Of jy ’n nuwe onderneming wil begin, ’n projek vir behoeftiges wil bevorder of die beroepsleer wil klim, om met ander ’n band te vorm gaan voordele inhou. Klim vandeesweek uit jou dop en kuier en gesels. GELUKKIGE NOMMERS 17, 34, 43, 39, 35, 3
LEEU
22 JUL – 22 AUG Die liefdesplaneet, Venus, beweeg ’n medevuurteken binne, wat jou die selfvertroue behoort te gee om die sjarmekrane oop te draai. Dis ’n goeie tyd om warmte en vrygewigheid uit te straal, veral as jy eensaam is en na spesiale aandag hunker. Jou kunstige talente kan ook dalk deurskemer, en dis so reg in die kraal van ’n uitdrukkingsvolle Leeu, wat daarvan hou om kreatief te wees, of hy/sy werk of speel. GELUKKIGE NOMMERS 15, 26, 45, 6, 8, 52
MAAGD
23 AUG – 22 SEP Huislike sake en gesinskwessies wat spanning veroorsaak, kan sleg vir jou algehele welstand wees. ’n Romantiese wegbreek is net die regte oplossing hiervoor; oorweeg dit gerus. Jy is dalk van nature ’n kommerkous; maak seker jy los werklik al jou sorge by die huis. Dit is die volmaakte tyd om mekaar met liefde en aandag te oorlaai. GELUKKIGE NOMMERS 27, 33, 31, 3, 22, 11
WEEGSKAAL
23 SEP – 22 OKT Jou planeet, Venus, beweeg vandeesweek jou liefdeshoroskoop binne, so reg in die kraal van ’n Weegskaal wie se liefdesverhouding ’n vername prioriteit is. As jy ’n enkelloper is, is dit ’n goeie tyd om voelers uit te steek om ’n geskikte maat te lok. As jy reeds jou maat gevind het, moet jy hom/haar jou liefde en waardering wys, of jy dit doen met blomme, ’n romantiese kaartjie of selfs ’n kersligete vir twee. GELUKKIGE NOMMERS 22, 10, 7, 52, 12, 40
SKERPIOEN
23 OKT – 21 NOV Pret is die wagwoord en jy moet dalk jou gereedskap neerlê vir ’n bietjie plesier. Of jy jou passie in ’n stokperdjie uitstort, met jou vriende uithang of gaan fliek, dit is tyd vir ’n blaaskans. Dis ook ’n goeie week om tyd saam met die jong klomp deur te bring – jou eie of familie of vriende s’n. Jy kan hulle op ’n uitstappie neem of hulle met skooltake help. GELUKKIGE NOMMERS 28, 37, 29, 8, 46, 13
BOOGSKUTTER
22 NOV – 20 DES Die spraaksame Mercurius beweeg ’n medevuurteken binne. Dit sal nuttig wees as jy jou punt wil tuisbring. Dis nie ’n geskikte week om aan politieke en/of filosofiese debatte deel te neem, jou vriende te motiveer om ’n nuwe avontuur mee te maak of jou seniors meer vrye tyd te vra nie. Die liefdesgodin, Venus, beweeg ook ’n medevuurteken binne. Jy kan dus makliker jouself uitdruk wat sake van die hart betref. GELUKKIGE NOMMERS 47, 21, 24, 11, 28, 49
STEENBOK
21 DES – 20 JAN Dis ’n week waarin jy aan jou ingesteldheid moet aandag gee en jou gedagtes oorweeg, want dit kan ’n aansienlike uitwerking op jou lewe hê. As jy ’n Steenbok met ’n pessimistiese streep is wat meestal die ergste verwag, is dit ’n goeie tyd om positiewe denke te begin aanleer. Dit kan nuttig wees om opbouende uitkomste te visualiseer. GELUKKIGE NOMMERS 49, 1, 30, 2, 27, 22
WATERDRAER
21 JAN – 18 FEB Die tyd is geleë om jou hulpbronne uit te brei. Dit sluit stoflike en niestoflike reserwes in. Wat groeiende materiële hulpbronne betref, is dit ’n goeie tyd om jou energie in sakegeleenthede te stort. Dit is raadsaam om jou banksaldo te beveilig, maar moenie die belangrikheid daarvan miskyk om geestelike en emosionele kragte te ontwikkel nie. Jy wil dalk op die internet nalees of ’n paar selfhelpboeke koop. GELUKKIGE NOMMERS 46, 51, 44, 40, 16, 17