Voedsame spinasie
Spinasie bevat volop voedingstowwe en is lekker vol vesel, wat vertering aanhelp
SPINASIEEN-FETADHALTJIES
Dhaltjies is ’n eenvoudige KaapsMaleise happie met byt en word gewoonlik van kekerertjiemeel gemaak. Ons het die eenvoudige resep verryk met mozzarella en feta.
LEWER SOWAT 30 DHALTJIES Bereiding: 15 min. Gaarmaak: 25-30 min.
DHALTJIES
300 g gesnipperde spinasie
1 ui, fyngekap
1-2 brandrissies, gekap
500 ml (2 k) koekmeel
10 ml (2 t) bakpoeier knippie sout
5 ml (1 t) peper
100 g mozzarella, gerasper
2 wiele feta, gekrummel
1 suurlemoen se gerasperde skil
1 eier, geklits
375 ml (1½ k) melk sonneblomolie
VIR VOORSIT
beleë cheddar-skaafsels
suurlemoenwiggies
1 Dhaltjies Meng al die bestanddele buiten die eier, melk en olie. Maak ’n holte in die middel van die mengsel.
2 Klits die eier en melk goed saam; giet in die holte van die spinasiemengsel. Meng met ’n houtlepel tot alles goed gemeng is. Bedek en laat staan 15 min.
3 Verhit genoeg olie in ’n kastrolletjie vir diepvetbraai. Skep in sarsies lepels vol van die mengsel in die olie en braai tot goudbruin en gaar. Dreineer op kombuispapier. Herhaal met die res van die beslag. 4 Vir voorsit Pak die dhaltjies op ’n bord en sprinkel die kaasskaafsels oor. Sit voor saam met die suurlemoenwiggies.
ROMERIGE GEBAKTE SPINASIE MET BILTONG GENOEG VIR 4 MENSE (AS BYKOS) Bereiding: 10 min. Gaarmaak: 35-40 min.
15 ml (1 e) olyfolie
30 ml (1 e) botter
1 ui, gekap
2 knoffelhuisies, fyngedruk
250 g bruinsampioene, in skyfies gesny
1 bos spinasie, gesnipper
45 ml (3 e) meel
250 ml (1 k) room
125 ml (½ k) melk sout en peper
VIR AFRONDING
100 g beleë cheddar, gerasper ’n hand vol gekerfde biltong Voorverhit die oond tot 200 °C. Bespuit ’n oondbak of 2 kleiner bakkies met kossproei.
1 Verhit die olie en botter in ’n kastrol; braai die ui tot geurig. Voeg die knoffel en sampioene by en roerbraai 5 min.
2 Verlaag die hitte en voeg die spinasie by. Sit die deksel op en braai 5 min. Haal die deksel af en roerbraai tot die spinasie verwelk het.
3 Sprinkel die meel oor en roer deur.
4 Giet die room en melk by; meng goed. Roer tot die mengsel begin verdik, geur met die sout en peper en skep in die oondbak of -bakkies. 5 Vir afronding Sprinkel die kaas ruim oor die spinasie. Bak 15-20 min. in die oond of tot die kaas gesmelt is. Sprinkel die biltong oor en sit dadelik voor.
SPINASIESTOWE MET RISSIE-VARKREPIES GENOEG VIR 4-6 MENSE Bereiding: 10 min. Gaarmaak: 30 min.
VARKREPIES
6 varkrepies sout en peper
2,5 ml (½ t) komynsaadjies
2 knoffelhuisies, fyngedruk
2 brandrissies, fyngekap
15 ml (1 e) olyfolie
15 ml (1 t) suurlemoensap SPINASIESTOWE
15 ml (1 e) olyfolie
30 ml (2 e) botter
1 ui, in skyfies gesny
500 g spinasie, grofgekap
500 g baba-aartappels, gekook tot net gaar
1 x 410 g-blik kersie
tamaties 2,5 ml (½ t) geroos
terde masala ’n skeut suur
lemoensap sout en vars
gemaalde peper
Voorverhit die oond tot 200 °C. Sit ’n draadrakkie op ’n bakplaat en bespuit met kossproei.
1 Varkrepies Geur die varkrepies alkant met die sout en vars gemaalde peper. Sprinkel die komyn, knoffel en brandrissies oor; pak op die bereide bakplaat. Drup die olyfolie en suurlemoensap oor en rooster20-25 min. in die verhitte oond of tot bros en gaar.
2 Spinasiestowe Verhit die olie en botter in ’n pan; braai die ui tot geurig. Voeg die spinasie by. Roerbraai 1 min.
3 Voeg die aartap- pels, kersietamaties en masala by en meng liggies. Laat dit 10 min. prut.
4 Geur met die suurlemoensap, sout en vars gemaalde peper na smaak; sit voor saam met die varkrepies.
SPINASIESLAAI
GENOEG VIR 4-6 MENSE Bereiding: 15 min. Gaarmaak: 10 min. SLAAISOUS 30 ml (2 e) olyfolie 200 g spek, fyngekap 2 knoffelhuisies,
fyngedruk 5 cm vars gemmer,
fyngerasper 15 ml (1 e) sojasous 30 ml (2 e) heuning 15 ml (1 e) rysasyn SLAAI
1 bos spinasie 2 wortels, geskil en
in blokkies gesny 1 x 410 g-blik pit
mielies, gedreineer ¼ kopkool, gesnipper
1 Slaaisous Verhit die olie in ’n pan; braai die spek tot bros. Verwyder die pan van die hitte af en voeg die res van die bestanddele by. Meng goed. Laat staan eenkant om af te koel.
2 Slaai Sny die stronke van die spinasie uit en gooi weg. Snipper die spinasie fyn en plaas in ’n groot mengbak.
3 Voeg die res van die slaaibestanddele by en meng liggies.
4 Giet die slaaisous oor die slaai en meng goed. Sit die slaai dadelik voor of hou eers in die yskas tot nodig.
MAKRIEL-SPINASIE ROLLETJIES GENOEG VIR 4 MENSE Bereiding: 20 min.
SMEER 250 g gladde maas
of roomkaas 10 g koljanderblare,
gekap 500 ml (2 k) gerookte pepermakriel, grate verwyder en gevlok sout en vars gemaalde
peper
ROLLETJIES
6 groot spinasieblare 1 x 200 g-pak wortel
en-koolmengsel 4 stingeluie,
in repies gesny 1 rooi soetrissie,
in repies gesny soet brandrissiesous
(opsioneel)
1 Smeer Meng al die bestanddele goed; geur met die sout en vars gemaalde peper na smaak. 2 Rolletjies Sny die middelstronke van die spinasieblare uit. Sny dit in die helfte waar die stronk was.
3 Smeer ’n lepel van die smeer oor een van die blare. Pak van die koolslaaimengsel, stingeluie en soetrissie aan die een punt van die blaar; rol op sodat ’n rolletjie vorm. Herhaal met die res van die blare en vulsel.
4 Sit die rolletjies voor saam met soet brandrissiesous as jy wil.