Kom verder met rys
Rys is ’n heerlike geregrekker, ’n geuropslurper en pasmaat vir enige vleis of groente – en dit kan selfs ’n soetding word
RYS is ’n noodsaaklike deel van talle huishoudings wêreldwyd se spyskaart, en in sekere lande die hoofbestanddeel van talle geregte. Dié graan is veelsydig en kan ook in soet geregte gebruik word omdat dit geure heerlik absorbeer.
VISBRIJANI
Dié brijani is nie so swaar soos ’n vleis- of hoenderbrijani nie – net reg vir dié tyd van die jaar.
GENOEG VIR 6-8 MENSE Bereiding: 25 min. Gaarmaak: 1 uur
SOUS 250 ml (1 k) karring
melk 1 x 410 g-blik gekapte
tamaties 2 hande vol vars
koljander, gekap 2 kaneelstokkies 3 kardemompeule 3 naeltjies 1 steranys 2-3 heel gedroogde
rooirissies 7,5 ml (1½ t) sout 10 ml (2 t) rissiepoeier 30 ml (2 e) vismasala 10 ml (2 t) komyn 1,25 ml (¼ t) borrie 2 suurlemoene se skil
en sap BRIJANI 800 g vars stokvis
of enige wit vis 30 ml (2 e) vismasala sout en peper olie vir vlakbraai 750 ml (3 k) basmati
rys 250 ml (1 k) bruin
lensies 45 ml (3 e) olyfolie 4 uie, in skywe gesny 45 ml (3 e) botter, in
klein blokkies gesny natuurlike jogurt, sprietuie, tamatie en koljander
1 Sous Meng al die bestanddele in ’n groot bak; hou eenkant.
2 Voorverhit die oond tot 150 °C.
3 Brijani Geur die vis met die masala, sout en peper; vlakbraai 1-2 min. aan elke kant in ’n bietjie olie. Hou eenkant.
4 Kook die rys en lensies volgens die aanwysings op die verpakking.
5 Verhit die olyfolie in ’n pan; braai die uie tot deursigtig. Hou eenkant.
6 Skep die lae van die brijani in ’n groot, oondvaste bak. Begin met ’n laag uie, gevolg deur die rys, lensies, sous en laastens die stukke vis. Herhaal tot die laaste laag rys is. Plaas die blokkies botter bo-op.
7 Bedek met bak- of waspapier, ’n deksel of foelie; bak 50 min. Haal uit die oond. Garneer met jogurt, sprietuie, tamatie en koljander.