SO HET JEFF BEZOS SY SAKERYK LAAT GROEI
1996: Twee jaar nadat Amazon.com in Jeff se motorhuis in Seattle gestalte gekry het, is dit met ’n miljoen titels die grootste boekhandelaar wêreldwyd.
1999: Twee jaar nadat dit op die aandelebeurse genoteer is, haal hy Forbes se biljoenêrslys.
2000: Amazon is steeds nie winsgewend nie, maar Jeff begin Blue Origin, sy ruimtevaartmaatskappy.
2005: Hy begin Amazon Prime, vandag ’n suksesvolle intekendiens, waardeur hy vastrapplek gekry het in die markte vir musiek, video’s en stromingsdienste.
2006: Hy durf wolkverwerking ( cloud computing) aan met Ama- zon Web Services. Vandag is AWS meer werd as die maatskappy se kleinhandelsafdeling.
2007: Amazon stel die eerste Kindle-e-leser bekend asook hul afdeling vir die aflewering van kruideniersware, AmazonFresh.
2010: Jeff se netto waarde verdubbel amper binne ’n jaar toe sy e-boekverkope hardebandverkope oortref.
2013: Hy koop die gesaghebbende Amerikaanse koerant The Washington Post vir $250 000 miljoen (toe sowat R2,4 biljoen).
In Junie verlede jaar koop Amazon die Whole Foods-supermarkgroep vir $13,7 biljoen (toe sowat R175 biljoen). Dié groep met sy 473 winkels spesialiseer in heilsame, natuurlike kos.