SJOKOLADE–SORGHUMBISCOTTI
Dié lekker bros biscotti word met kakao en mabele (sorghummeel) gemaak. LEWER SOWAT 16-20 STUKKIES Bereiding: 20 min. Bak: 30 min. Afkoel: 15 min. Uitdroog: 20 min. 100-180 g mabele 5 ml (1 t) psilliumvesel 45 g kakao 5 ml (1 t) bakpoeier 2 groot eiers 100 g bruinsuiker fyngerasperde skil van 1 lemoen en 60 ml (¼ k) lemoensap 80 g sultanas 100 g pekan-, kasjoe
of Brasiliaanse neute Voorverhit die oond tot 180 °C.
1 Meng die mabele, psilliumvesel, kakao en bakpoeier goed.
2 Klits die eiers en suiker saam tot lig en dik.
3 Voeg die lemoenskil en -sap by.
4 Voeg die sultanas en neute by die mabelemengsel.
5 Vou by die eiermengsel in en meng tot ’n sagte deeg (voeg nog mabele by, indien nodig).
6 Vorm die deeg in ’n lang, ovaalvormige brood.
7 Voer ’n bakplaat met bakpapier uit en plaas die brood boop. Bak sowat 25- 30 min. of tot gaar.
8 Verwyder uit die oond en laat 15 min. afkoel. Sny in dun skyfies, sowat 16.
9 Pak die skyfies in ’n enkellaag op ’n bakplaat en sit terug in die oond vir 10 min. Draai om en bak nog 10 min. tot droog.
10 Koel af en bêre in ’n lugdigte houer.
11 Sit voor saam met koffie of roomys.