Roosmaryn-en-gedroogdetamatie-brood dié week se wenresep

LEWER 2 BRODE TAMATIES Bereiding: 5 min. Bak: sowat 30 min. BROOD Bereiding: 20 min. Rys: 30-45 min. + 20 min. Bak: 30-35 min. OONDGEDROOGDE TAMATIES 200-250 g vars kersie

tamaties, gehalveer 15 ml (1 e) seesout 2,5 ml (½ t) vars gemaalde

swartpeper 5 ml (1 t) gemengde droë

kruie 30 ml (2 e) witasyn 60 ml (¼ k) olyfolie VIR BÊRE 125 ml (½ k) olyfolie vars kruie, soos roosmaryn, tiemie, origanum of ’n paar basilieblare BROOD 750 g witbroodmeel ’n knippie elk sout en suiker 30 ml (2 e) vars roosmaryn,

grofgekap 6 knoffelhuisies, fyngedruk 10 g kitsgis 15 ml (1 e) olyfolie sowat 450 ml warm water 125 ml (½ k) van die gebakte tamaties, gedreineer en grofgekap ekstra roosmaryn VIR VOORSIT

ekstra olyfolie en die orige gebakte tamaties Voorverhit die oond tot 120 °C. Oondgedroogde tamaties Plaas die gehalveerde tamaties met die oop kant na bo op die bakplaat. Geur met die sout, peper en gemengde kruie.

2 Drup die asyn en olyfolie oor die tamaties. Oondbraai sowat 30 min. tot die tamaties effens ingekrimp en die rande effens verbruin het. Laat dit afkoel.

3 Vir bêre Pak in ’n skoon fles, giet die olyfolie oor en voeg die vars kruie by. Maak toe en bêre in die ys- kas. (Die tamaties sal tot ses maande hou.)

4 Brood Sif die meel, sout en suiker saam. Roer die roosmaryn, knoffel en gis by en maak ’n holte in die middel van die mengsel.

5 Meng die olie met die warm water en giet dit in die holte. Meng vinnig om ’n sagte deeg te vorm; voeg nog water by, indien nodig.

6 Knie die deeg sowat 7 min. op ’n meelbestrooide oppervlak tot glad en elasties.

7 Plaas die deeg in ’n liggies gesmeerde bak en bedek met ’n skoon, klam lap. Laat staan 30-45 min. of tot die deeg verdubbel het.

8 Voorverhit die oond tot 200 °C.

9 Knie die deeg weer 3 min., knie die tamaties in en verdeel die deeg. Vorm elke stuk in ’n groot, ovaal vorm en plaas dit op ’n meelbestrooide bakplaat. Sny kruisies op elke brood indien verkies en sprinkel die ekstra roosmaryn boop. Laat rys sowat 20 min. tot die brode verdubbel het. Bak 30-35 min. of tot die brood hol klink wanneer daarop geklop word.

10 Vir voorsit Sit voor saam met die ekstra olyfolie en gebakte tamaties.