PRINSESLESSE
Ingeligtes in die paleis maak Meghan touwys. Hulle leer haar onder meer:
DIE WINDSOR-WUIF
Koninklikes is vir ’n aansienlike deel van hul lewe aan die wuif. Hulle het ’n tegniek om te keer dat hul hand moeg word: hand plat, vingers toe, effense beweging.
DIE HERTOGIN-SKUINSSIT
Dié term, waarmee die stigter van an Beaumont Etiquette, Myka Meier, vorendag endag gekom het, beskryf Kate se kenmerkende, rkende, stemmige manier van sit: enkels gekruis gekruis, knieë bymekaar, bene skuins gedraai. Dit is perfek vir been wys – op die fatsoenlikste manier moontlik. Ook Meghan sal dit nou moet baasraak.
DIE VOLMAAKTE KNIEBUIGING
Meghan se eerste openbare kniebuiging op Kersdag was nie heeltemaal geslaagd nie, meen Joe Little, besturende direkteur van die tydskrif Majesty. Haar fout? Sy het haar kop gebuig.
Die kniebuiging self is eintlik maklik. Dis moeiliker om te weet wie moet buig en wanneer. Dit word volgens ’n ranglys bepaal wat die koningin bygewerk het toe William en Kate getroud is – en Meghan sal na verwagting dieselfde reëls moet gehoorsaam.
As hertogin sal sy voor al die meer senior koninklikes moet buig – Kate en die gebore prinsesse Beatrice en Eugenie inkluis. Maar wanneer Harry by is, moet die gebore prinsesse voor haar buig. Kate hoef nie voor Meghan te buig nie, want William is die tweede aanspraakmaker op die troon en Harry die vyfde. Ná die geboorte van William en Kate se derde kind sal hy na die sesde plek afskuif.
SELFVERDEDIGING
Alles handel nie net oor pinkies en nageregvurke nie. As ’n koninklike loop Meghan gevaar om ontvoer te word. Alex Bomberg, ’n oud- koninklike assistent en uitvoerende hoof van die lyfwagfirma Intelligent Protection International, sê Meghan sal militêre opleiding kry en die Koninklike Lugmag se Special Air Service (SAS) sal haar selfs in ’n simulasie kastig as gyselaar hou.
“Sy word in ’n vertrek gesit, behandel asof sy ’n gyselaar is en dan bestorm SAS-lede die vertrek,” sê Alex. Alle senior koninklikes het dit waarskynlik al ondergaan, meen hy, selfs al vergesel lyfwagte hulle elke keer dat hulle by ’n deur uitstap.
“Koninklikes ondergaan ook opleiding oor hoe om in geval van nood sonder beskerming op te tree.”
DIE KOUSREËL
Meghan het die wenkbroue laat lig toe sy kousloos vir haar eerste koninklike afsprake opdaag. Al is die koninklike familie bereid om af en toe ’n drukkie van ’n aanhanger oor die hoof te sien, is die voorskrifte vir vrouebene ononderhandelbaar. “’n Mens sien nooit ’n koninklike vrou sonder hul bleek kouse nie. Op die verlowingsfoto’s lyk dit nie asof Meghan kouse gedra het nie,” sê die koninklike kenner Victoria Arbiter. “Ek sou sê dis al vaste reël waarop die koningin aandring.”
Op onlangse uitstappies is Meghan wel met bleek kouse gewaar.