’N BREKERSBAARD!
Toe die bleeksiel Gwilym sy voorkoms verander, het hy in ’n gesogte model ontpop
HULLE sê ’n man se baard kan jou maak of breek. Kweek jy hom reg, is jy ’n ware maanhaar. Kry jy dit verkeerd, lyk jy soos ’n takhaar.
Maar kyk jy na die voor- en ná-foto’s van die Wallieser Gwilym Pugh, is dit duidelik: Die regte baard kan sorg vir ’n dramatiese transformasie.
Om die skeermes weg te bêre was darem nie al wat dié Brit gedoen het om sy voorkoms reg te ruk nie.
Beter eetgewoontes en strawwe oefensessies in die gim was ook deel van sy plan. En siedaar, die voormalige mollige bleeksiel is omskep in ’n gesogte model wat die wêreld nou aan die gons het.
Gwilym met sy vlamrooi baard was al in talle tydskrifte te sien en het al vir handelsname soos Vans, Bud Light, Gillette, Esprit en Diesel modelwerk gedoen. Hy is boonop ’n ambassadeur vir David Beckham se nuwe versorgingsreeks vir mans, House 99.
Maar sowat ’n dekade gelede, op 21, was Gwilym mollig en glad geskeer; niemand sou hom opmerk nie. Hy het tuis t agter sy lessenaar gesit terwyl hy probeer p het om sy versekeringsonderneming o op die been te bring.
Die lang dae agter sy lessenaar het die d vetjies laat aanpak. Boonop het ’n kniebesering k gekeer dat Gwilym, wat op o sy dag vir Wallis se o.16-basketbalspan b gespeel het, veel oefening kry.
Op ’n kol het hy 127 kg geweeg – “taamlik oorgewig”, soos hy aan die Britse Daily Mail gesê het.
Maar toe stig hy en ’ n paar pelle ’ n folkmusiekgroep en Gwilym besluit hy moet ’n nuwe beeld kweek . . . Dit was sy barbier wat hom aangemoedig het om ’n baard te kweek.
Gwilym het besluit hy moet minstens 40 kg verloor. “Die onderneming het oukei gevaar, en ek het besluit ek moet my lewe agtermekaar kry,” sê hy.
Hy het begin oefen. “Dit was die beste ding vir my gesondheid,” sê Gwilym. Terwyl hy sy baard gekweek het, het die kilogramme danksy sy nuwe leefstyl begin wegsmelt – ’n volle 42 daarvan. Vandag weeg hy 85 kg.
Hy het sy modelvoete gevind nadat sy Instagram-blad die aandag getrek het van die Walliese klereontwerper Nathan Palmer. Toe Gwilym hom weer kom kry, poseer hy vir ’n koffietafelboek met die titel 100 Beards.
Hy is ook gevra om deel te wees van Red Hot Photography. Die projek – deur die rooikopfotograaf Thomas Knights – bring hulde aan, wel, rooikoppe. Kort voor lank is Gwilym ’n kontrak aangebied deur die Londense agentskap AMCK Models. Maar die belangrikste, vertel die aantreklike rooikop, is dat “ek gelukkiger en gesonder is as wat ek ooit gedink het moontlik sou wees.
“Ek doen goed wat ek nooit eens van gedroom het nie. Nadat ek jare lank in finansies was, is dit ’n wonderlike geleentheid om saam met kreatiewe mense te werk en die wêreld vol te reis.”
Om sy gespierde lyf eksieperfeksie te hou, werk hy hard in die gim en mik na 15 000 treë per dag. Hy gebruik ook sy reiservarings om foto’s te neem wat hy eendag met die wêreld wil deel.
Hy laat nie sy nuutgevonde roem kop toe gaan nie. “Ek probeer om nie in alles vasgevang te raak nie en my meisie help baie daarmee. Sy hou my nederig. Met haar in die omtrek kan ek nie grootkop kry nie.”