ARGENTYNSE GESTOPTE STEAKROLLETJIES
GENOEG VIR 4-6 MENSE Bereiding: 20 min. Marineer: 1-2 uur Gaarmaak: 15 min. 8 x klein eenminuut
steaks vars gemaalde peper 125 ml (½ k) rooiwyn 30 ml (2 e) suurlemoen
sap 30 ml (2 e) worcester
sous 15 ml (1 e) heuning 60 ml (¼ k) olyfolie 2 lourierblare 4 knoffelhuisies,
gekneus VULSEL 15 ml (1 e) olie 1 ui, gekap 100 g spinasie 60 ml (¼ k) brood
krummels 1 eier 60 ml (½ k) olywe 1 rooi soetrissie, in repe
gesny 60 ml (¼ k) braaisous
van jou keuse Maak ’n braaivuur en sorg dat daar genoeg kole is. Hou tandestokkies of vleistou byderhand.
1 Geur die steaks alkant met die vars gemaalde peper.
2 Meng die res van die bestanddele in ’n marineerbak en pak die steaks daarin. Laat 1-2 uur in die yskas marineer.
3 Vulsel Verhit die olie in ’n pan en braai die ui tot sag. Voeg die spinasie by en roerbraai tot verwelk. Skep uit die pan en laat afkoel.
4 Meng die spinasie met die broodkrummels, eier en olywe.
5 Haal die steaks uit die marinade en smeer van die vulsel oor. Pak ’n paar repies soetrissie bo-op elkeen en rol op in rolletjies. Steek die rolletjies vas met die tandestokkies of draai dit vas met die vleistou.
6 Pak die rolletjies op ’n rooster en verf met die braaisous. Braai dit 2-3 min. per kant of tot gaar soos verkies. Sny die rolletjies versigtig in die helfte en sit voor.