BYDERWETSE BOEREKOS
’n Blog met Afrikaanse resepte, Boerekos met ’n Twist, is so gewild dat dit ’n resepteboek en nou ook ’n TV-program opgelewer het
DIT het klein begin. Annelien Pienaar, jare lank dosent in voedsel en voeding, het gevoel daar is darem te veel resepte op die internet wat nie getoets word nie. Toe begin sy haar kosblog, Boerekos met ’n Twist, wat so gewild geword het dat ’n resepteboek met dieselfde naam uitgegee is. Nou is daar ook ’n TVprogram. Daarin deel sy haar vernuf en voedselwetenskapkennis met deelnemers aan die program en ook met kykers. Boerekos met ’n Twist word van 9 April af om 18:00 op VIA (DStv-kanaal 147) uitgesaai.
PIKANTE SJOKOLADETERT
LEWER 1 GROOT TERT Bereiding: 45 min. Staan: 4 uur of oornag Bak: 1 uur 15 min. TERT 400 ml volroommelk 100 ml room 4 groot eiers, geskei 200 g witsuiker 15 ml (1 e) kraanwater 125 g botter (nie mar
garien nie), gesmelt 70 g koekmeel, gesif 40 g kakao, gesif knippie sout 1,25 ml (¼ t) kreme
tart GANACHE 125 ml (½ k) witsuiker 125 ml (½ k) kakao,
gesif 60 ml (¼ k) water 125 g botter, gesout 125 ml (½ k)
gouestroop 375 ml (1½ k) sjokoladesplinters (sjokolade van goeie gehalte) 125 ml (½ k) room vars vrugte Voorverhit die oond tot 150 °C. Bespuit ’n ronde koekpan van 22 cm in deursnee met kossproei.
1 Tert Verhit die melk en room net tot liggaamstemperatuur en laat afkoel.
2 Klits die eiergele, witsuiker en water 3 min. saam. Klits die gesmelte botter in ’n dun straaltjie by.
3 Sif die koekmeel, kakao en sout saam; meng goed met die eiermengsel. Voeg die melkmengsel by en vou in.
4 Klits die eierwitte saam met die kremetart tot stywepuntstadium; vou in by die beslag. Die beslag sal nie maklik meng nie; die eierwitte sal bo bly dryf. Meng net tot die streperigheid weg is, maar nie te veel sodat die eierwitte hul lug verloor nie.
5 Giet die beslag in die pan; dit moet gevul word tot 1 cm van bo. Die beslag sal nie oorloop nie, want die eierwitte stol soos ’n soufflé.
6 Plaas die koekpan met die beslag in ’n oondpan en bak 5060 min. by 150 °C.
7 Laat goed in die pan afkoel by kamertemperatuur. Sodra die koek geset het, keer op ’n dienbord uit. Plaas die koek oornag of vir 4 uur in die yskas om ferm te word.
8 Ganache Plaas die suiker, kakao, water, botter en gouestroop in ’n kastrol; verhit tot die suiker gesmelt het. Kook daarna 2 min. en verwyder van die hitte.
9 Voeg die splinters en room by die warm mengsel, maar moenie roer nie – draai die kastrol in die rondte. Die sjokolade sal baie vinnig smelt as dit van goeie gehalte is.
10 Klits deeglik met ’n ballonklitser en laat die mengsel goed afkoel. Plaas in die yskas vir 30 min. voor jy dit met ’n slaplemmes op die koek smeer. Hou die koek verkoel tot dit voorgesit word. Versier met vars vrugte soos verkies.
EIERLOSE BESKUIT
LEWER 40 STUKKIES Bereiding: 20 min. Bak: 45-60 min. Uitdroog: 4 uur
10 ml (2 t) koeksoda 1 kg (7 k) volgraanmeel 60 g (2 k) semels 100 g (1 k) pekanneute of rosyne of bosbessies (of ’n mengsel van al 3) 170 g (1 k) lynsaad 80 g (1 k) gerolde hawermout 400 g (2 k) sagte
bruinsuiker 5 ml (1 t) sout 10 ml (2 t) bakpoeier 5 ml (1 t) kremetart 500 g margarien, by
kamertemperatuur 100 ml melk 500 ml (2 k) karring
melk Voorverhit die oond tot 180 °C. Bespuit ’n groot, plat oondpan met kossproei.
1 Hou die koeksoda eenkant en meng die droë bestanddele.
2 Rasper die margarien by die meel in en vryf met jou vingerpunte in tot dit soos broodkrummels lyk.
3 Meng die koeksoda met die melk – maak seker die klonte is goed opgelos. Voeg by die karringmelk om dit te aktiveer.
4 Meng die meelmengsel met die melkmengsel tot alles goed gemeng is.
5 Druk die beskuit in die oondpan en sny vooraf in vingers.
6 Bak 45-60 min. op die oond se middelste rak. Laat afkoel, keer uit en breek in vingers.
7 Pak in ’n enkellaag op ’n draadrakkie en droog 3-4 uur by 100 °C met die deur effens oop.
STROMBOLI
LEWER 2 BROODJIES Bereiding: 20 min. Rys: sowat 4¾ uur Bak: 45-50 min. 1 kg (7 k) koekmeel 500 ml (2 k) lou water
(24 C) 190 ml (¾ k) lou melk
(24 C) 10 g kitsgis 45 ml (3 e) lou water
(om gis op te los) 45 ml (3 e) botter, by
kamertemperatuur 30 ml (2 e) heuning 10 ml (2 t) sout VIR UITROL 250 ml (1 k) koekmeel 250 ml (1 k) mielieblom VULSEL sondroë tamaties,
gekap swart olywe, gehalveer gerasperde mozzarella AFRONDING olyfolie vars of droë kruie van
jou keuse
1 Deeg Meng die meel, water en melk tot die mengsel egalig lyk en geen droë meel sigbaar is nie. (Die deeg word nie geknie soos in die ou dae nie). Laat rus die deeg 3 uur sonder die gis.
2 Sprinkel ná 3 uur die gis oor die 45 ml water en roer om goed op te los. Voeg die botter, heuning, giswater en sout by die deeg. Druk gate van bo af met jou vingers in die deeg sodat die vloeistof kan ingaan.
3 Beskou die bak waarin die deeg is as ’n horlosie. Begin by die twaalfuurmerk en vou die deeg oor na sesuur. Vou ook van drieuur oor na negeuur en hou so aan tot jy weer by twaalfuur uitkom. Dit is belangrik om die deeg te vou en nie te knie nie.
4 Laat die deeg nog 15 min. rus en vou weer een rondte. Herhaal nog twee keer.
5 Laat rus die deeg in ’n goed geoliede bak en bedek sodat dit kan verdubbel in volume. (Hierna sal die deeg sysag maar slap wees en gereed vir die resep wat jy wil maak.)
6 Vir uitrol Meng die koekmeel en mielieblom en sprinkel die oppervlak rojaal met die mengsel. Verdeel die deeg in twee. Rol elkeen sowat 3 mm dik uit in ’n langwerpige vorm.
7 Vulsel Rangskik die vulsel op die deeg, maar hou sowat 2 vingers reg rondom skoon.
8 Vou albei kort kante se rande effens oor na die middel.
9 Begin die deeg van ’n lang kant af oprol soos ’n rolkoek, skraap die deeg met ’n mes van die oppervlak en gebruik van die meel om jou te help (die deeg is sag). Tel versigtig op en plaas in ’n gesmeerde bakplaat. Herhaal met die ander rol. Maak drie skuins snitte met ’n baie skerp mes of lemmetjie.
10 Afronding Smeer elke rol mildelik met die olyfolie. Bak die rol 45 min. by 180 °C. Smeer die stromboli sodra dit uit die oond kom weer met die olyfolie en besprinkel met die vars of droë kruie van jou keuse. Origanum en basilie is heerlik.
11 Sit effens louwarm voor saam met souse van jou keuse.
TUNAMOUSSE
LEWER 6 VORMPIES Bereiding: 10 min. Set: 4 uur MOUSSE 25 ml (5 t) kraanwater 7 ml (1½ t) gelatien 1 blikkie (170 g) tunastukke, in olie of water geblik, goed gedreineer 125 ml (½ k) mayon
naise 1 houer (230 g) room
kaas 60 ml (¼ k) gekapte
agurkies 60 ml (¼ k) vars
grasuie, gesnipper 15 ml (1 e) suurlemoen
sap 5 ml (1 t) vars gerasperde suurlemoenskil 1,25 ml (¼ t) vars fyngedrukte knoffel (opsioneel) swartpeper na smaak 25 ml (5 t) kookwater 125 ml (½ k) koue
room, styf geklop AFRONDING dun skyfies radyse
en uiespruite
1 Plaas ’n silikonvorm met 6 holtes in yswater.
2 Giet die kraanwater in ’n klein glasbakkie en sprinkel die gelatien oor. Laat staan om te hidreer.
3 Meng die res van die bestanddele buiten die kookwater en room liggies sodat die tuna nie te fyn opbreek nie.
4 Voeg die kookwater by die gelatienmengsel en roer tot opgelos. Klits die gelatien by die tunamengsel in.
5 Vou die room liggies by die tunamengsel in.
6 Verwyder die vorm uit die water en skep
dadelik die vulsel in die holtes in. Maak mooi gelyk en plaas in die vrieskas tot geset.
7 Afronding Ontvorm, pak op ’n dienbord en garneer met radyse en spruite. Sit voor saam met vars brood, sout koekies, groenteborde of as vulsel vir broodjies.
HOENDERSATÉ MET PINDASOUS
LEWER SOWAT 18 STOKKIES Bereiding: 30 min. Gaarmaak: 40 min. HOENDER 6 groot hoenderborsies, in repies gesny 250 ml (1 k) natuurlike
volroomjogurt 60 ml (¼ k) olyfolie 60 ml (¼ t) matige
kerriepoeier 1,25 ml (¼ t) fyn
knoffel 1,25 ml (¼ t) fyn gemmer 5 ml (1 t) fyn fenegriek sout en peper na smaak PINDASOUS 125 ml (½ k) ui,
fyngekap 45 ml (3 e) olyfolie 15 ml (1 e) bruinsuiker 6 ml (1 t, opgehoop)
fyn knoffel 5 ml (1 t) komynsaad 2,5 ml (½ t) matige
kerriepoeier 1,25 ml (¼ t) gerookte
paprika 1,25-2,5 ml (¼-½ t)
brandrissievlokkies 30 ml (2 e) tamatie
sous 30 ml (2 e) sojasous 80 ml ( k) grond
boontjiebotter 60-125 ml (¼-½ k)
klappermelk sout en peper na smaak
1 Hoender Ryg die hoenderrepies aan stokkies; moenie te styf ryg nie.
2 Meng die res van die bestanddele en giet oor die kebabs. Laat 2 uur of langer in die yskas marineer.
3 Braai die hoenderstokkies oor die kole of op ’n riffelpan wat vooraf goed verhit is tot net gaar. 4 Pindasous Braai die ui in die olyfolie in ’n diep kastrol tot sag. Voeg die suiker, knoffel, komynsaad, kerrie, paprika en brandrissievlokkies by en braai nog 1 min. Voeg die tamatie- en sojasous by en braai nog 1 min.
Haal die kastrol van die hitte af en roer die grondboontjiebotter by. Nou kom die hele geheim van pindasous: Moenie die grondboontjiebotter laat kook nie. Dit moet net smelt, anders is dit ’n olierige spulletjie omdat die grondboontjies se proteïendeel en olie skei.
6 Roer tot glad en verwerk tot fyn met ’n staafmenger of in ’n voedselverwerker.
7 Voeg die klappermelk by en meng tot glad. Sit voor saam met die kebabs en geurige rys.